ABŞ polisi daha iki gənci öldürdü
Bizi izləyin
Kanon

Dünya

ABŞ polisi daha iki gənci öldürdü

Çikaqo polisi bu gün şəhərin iki müxtəlif nahiyəsindəki insident zamanı iki yeniyetməni güllələyib.

Publika.az-ın “Reuters”ə istinadən verdiyi məlumata görə, gənclər tapançanı polisə tuşladıqları üçün öldürülüblər.

Birinci insident zamanı polis əməkdaşları silahlı adamlarla bağlı edilən çağırış üzrə gəliblər. Polis həmin adamlardan təslim olmağı tələb edib. Bu zaman onlardan biri qaçmağa başlayıb və qaça-qaça cibindən tapançanı çıxararaq polisə tuşlayıb. Bundan sonra o, güllələnib.

İkinci analoji insident şəhərin cənubunda qeydə alınıb. Burada da silahlı gənc atışma ilə bağlı edilən çağırış əsasında əraziyə gələn polisə tapança tuşlayıb və təslim olmaq istəməyib. Nəticədə o da güllələnib.

Öldürülənlərin hansı irqə mənsub olduğu deyilmir. Qətl hadisələrinin tədqiqi ilə Müstəqil Polis Təhqiqatları Departamenti məşğul olacaq. Məhz bu qurum polisin vəziyyətə uyğun adekvat davranıb-davranmadığını müəyyən edəcək.

Oxumağa davam et
Reklam
Reklam

Gündəm

Kanon