Dünya
Norveçdə İŞİD əleyhinə yürüş
Norveçdə İŞİD terror təşkilatı əleyhdarları yürüş təşkil
ediblər.
Publika.az-ın "Reuters"ə istinadən məlumatına görə, İraq Şam İslam
Dövlətinin (İŞİD) hücum və qırğınları, Baş nazir Erna Solberq,
İslami təşkilatlar, kilsə nümayəndələri və siyasi partiya
liderlərinin də qatıldığı yürüyüş və mitinqle etiraz edildi.
Paytaxt Oslonun Qrinland səmtində axşam saatlarında başlayan
gedişə, fərqli dinlərə mənsub təxminən 7 min adam qatılıb. İŞİD ilə
bu terror təşkilatının dəstəkçisi olduğunu açıqlayan Norveçdəki
"Profetens Ummah" adlı dərnək əleyhinə şüarlar səsləndirən
etirazçılar, Norveç parlamenti önünə qədər getdikdən sonra burada
çıxışlar ediblər.
Təşkil edilən mitinqdə Baş nazir Erna Solberq, müxalifətdən olan
“Fəhlə Partiyası”nın sədri Conas Göhr Store, Oslo Kilsəsi
nümayəndəsi May-Anne Qrasaas, İslam quruluşu olan İRN-nin baş
katibi Məhtab Afsar və din adamları çıxış edib.
İRN adından çıxış edən Məhtab Afsar, ifratçılığın hər cəmiyyətdə
səhv olduğunu önə gətirərək "iki həftə əvvəl hicab taxmağa başlayan
qızım məktəbindəki müəllim tərəfindən təhqir olundu. Hər kəsin bu
mövzuda səhv qərarlardan xilas olması lazımdır" deyə bildirib.
Norveç baş naziri Solberq belə hadisələrə qarşı mübarizə edəcəyini
vurğulayaraq, peyğəmbərdən hədis belə gətirib: "Sizdən biriniz bir
pislik gördükdə bunu əliylə dəyişdirsin, əgər buna gücü çatmazsa
diliylə düzəltsin, ona da gücü çatmazsa, ürəyi ilə nifrət etsin. Bu
da imanın ən zəif nöqtəsidir". Solberq, bu nümayişə çox sayda
müsəlmanın qatılmasının, İŞİD-in İslamı təmsil etmədiyinə bir dəlil
olduğunu bildirib.
Çıxış edənlərdən Fate Mehdi əl-Hüseyni adlı gənc qız, baş kəsmə və
təcavüzün İslam ilə əlaqəsi olmadığını ifadə edərək, "Bunu
dəstəkləyənlər də Peyğəmbər ümməti deyil, şeytanın təqibçisi ola
bilər" deyib.
"Sözlərlə qazan, silah və şiddətlə deyil", "İŞİD'ə yox", "İslam
adına etməyin" və "Terrorizmə yox" şüarlarları altında, Norveç
mətbuatının da sıx maraq göstərdiyi etiraz aksiyası insidentsiz
başa çatıb.
-
Hadisə22:48
Bakı metrosunda OLAY
-
Nida Xəbər 22:24
4 kənd qayıtdı - Növbəti mərhələdə nə var?
-
Dünya22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB21:50
95 yaşlı diplomat öldü
-
Nida Xəbər 21:20
Sərhədin delimitasiyası başladı: İrəvan dərhal Tehrana hesabat verdi
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı
-
Ekologiya18:49
Hava şəraiti kəskin dəyişəcək - XƏBƏRDARLIQ