Yeni qaynar nöqtə – Rusiya Azovu da Ukraynadan almaq istəyir
Bizi izləyin

Dünya

Yeni qaynar nöqtə – Rusiya Azovu da Ukraynadan almaq istəyir

Donetsk və Luqansk vilayətlərində yaradılan separatçı qurumlar Azov dənizi istiqamətinə hücuma başlaylıb.

Publika.az-ın verdiyi xəbərə görə, bu barədə Rusiyanın vedomosti.ru saytı yazıb.

Dünən isə Ukrayna Milli Təhlükəsizlik və Müdafiə Şurasının “facebook” səhifəsində Rusiyanın Donetsk vilayətinin cənubunda yeni silahlı qarşıdurma mərkəzi yaratmağa cəhd göstərdiyi bildirilirdi. Xəbərdə deyilirdi ki, bu məqsədlə Rusiyanın 10 tank, 2 BMP və 2 “Qrad” reaktiv yaylım atəş sistemi Novoazovsk rayonu istiqamətində Ukraynanın dövlət sərhədini pozub. Mariupol istiqamətində isə 40-a qədər tank və zirehli texnikanın hərəkət etməyə çalışdığı, Ukrayna antiterror gücləri tərəfindən qarşısının alındığı xəbər verilir.

Milli Təhlükəsizlik və Müdafiə Şurası bununla belə Azov dənizi sahilindəki strateji yol olan Novoazovsk-Mariupol yolunun tamamilə antiterror güclərinin nəzarəti altında olduğunu bildirib.

Rusiya ilə sərhəd Novoazovsk şəhərinə dünən “Donetsk Xalq Respublikası”nın gücləri hücum edib. Ukrayna Milli Qvardiyasının xəbərinə görə, hücum dəf edilib.

Ömər Dağlı

Oxumağa davam et
Reklam
Reklam

Gündəm