Dünya

Batalyon komandiri: “Ukrayna hakimiyyəti mühasirədəkiləri aldadır”

26 Avqust 2014 18:42

İlovaysk şəhərini ələ keçirən antiterror güclərinə vəd edilən silah-sursat çatdırılmır.

Publika.az-ın unian.net saytına istinadən verdiyi məlumata görə, bu barədə “Dnepr-1” könüllü batalyonun komandiri Vladimir Parasyuk “facebook” səhifəsində bildirib.

“On beş saat keçməsinə baxmayaraq, İlovayskda vəziyyət dəyişməyib. Uşaqlar mühasirədədir. Düşmənin artilleriyası və minaatanları susmaq bilmir. Biz isə cavab verə bilmirik, çünki ağır silahlara malik deyilik. Döyüşçülərimiz geri çəkilməyə hazırlaşmırlar. Amma düşmənə adekvat cavab vermək və mühasirədən çıxmaq üçün artilleriyanın verilməsini xahiş edirlər”, - Parasyuk yazıb.

Xatırladaq ki, bundan əvvəl “Donbas” batalyonunun komandiri Semyon Semençenko rəsmi Kiyevdən İlovaysk şəhərinin dərhal möhkəmləndirilməsini xahiş edib.

Ömər Dağlı