Dünya

Ukrayna hərbi verginin yığılması müddətini uzadır

26 Avqust 2014 22:23

Ukraynanın 2015-ci il dövlət büdcəsi layihəsinin müzakirəsi zamanı Maliyyə Nazirliyi əmək haqqından müvəqqəti hərbi verginin tutulması müddətinin uzadılması haqqında təklifləri hazırlamağa qərar verib.

Publika.az-ın unian.net saytına istinadən verdiyi məlumata görə, nazirlik 2015-ci ilin əvvəlinə kimi tətbiq edilməsi nəzərdə tutulan qanunun 2015-ci ildə də qüvvədə qalmasını istəyir.

Xatırladaq ki, 31 iyul tarixində Ali Rada “Dövlət büdcəsinə və vergi kodeksinə dəyişiklikləri” qəbul edib. Dəyişikliklərə görə, 1 yanvar 2015-ci ilə qədər fiziki şəxslərin əmək haqqlarından, mükafatlardan və onlara verilən digər ödəmələrdən 1,5 faiz hərbi vergi tutulacaq. Vergilərdən əldə olunan gəlirin hamısı Ukrayna Silahlı Qüvvələrin maliyyələşdirilməsinə xərclənəcək.

Ömər Dağlı