Dünya

Qanuni oğru Sumbat Abbasov həbsxanadan qaçdı

27 Avqust 2014 11:11

Qanuni oğru Sumbat Abbasov Rusiyada həbs edilmiş xarici vətəndaşların saxlanıldığı Severnı qəsəbəsindəki təcridxanadan qaçıb.

Bu, son illərdə həmin həbsxanadan artıq ikinci məşhur avtoritetin qaçışıdır. 2008-ci ildə gürcü “vor zakon” Giya Manaqadze də təcridxanadan canını qurtara bilmişdi.

Kriminal aləmdə Sumbat Abbasov oğru qanunlarına tam riayət edən azsaylı avtoritetlərdən sayılır. Üst-üstə keçən 20 illik məhbəs həyatı zamanı o, ənənələrdən kənara çıxmayıb və məhbusların hörmətini qazanıb.

Sumbat 2009-cu ilin noyabrında Rusiyaya qeyri-leqal keçdiyinə görə saxlanılaraq təcridxanaya göndərilmişdi. Təcridxanadan qaçmasaydı, hansı ölkəyə təhvil veriləcəyi haqda qərarı hələ uzun müddət gözləməli olacaqdı.

İlqar Atabəyli