Bu millət yer üzündən silinə bilər

Aşağı doğum göstəricilərinə görə Cənubi Koreya əhalisi 2750-ci ilə kimi yer üzündən silinə bilər. Bu haqda xəbəri “Chosun İlbo” (“Gündəlik Koreya”) Cənubi Koreya mətbuatı verib.

Milli yığıncağın tədqiqat xidmətinin verdiyi məlumata görə, Cənubi Koreya əhalisi arasında doğum sayı getdikcə azalmağa doğru getdiyi üçün 2750-ci ildə koreyalıların mövcud olması sual altında qalıb. Qeyd olunur ki, 2013-cü ildə ölkədə doğum əmsalı 1,19 olub. Əgər tendensiya belə davam edərsə, onda 50 milyonluq Cənubi Koreya əhalisi 2136-cı ilədək 5 dəfə azalaraq, 2750-ci ildə tamamilə yoxa çıxacaq.

Cənubi Koreyada doğumun aşağı olmasını nəzərə alan Oksford Universitetinin professoru Devid Koulman dünya ölkələri arasında Koreya əhalisinin yer üzündən silinən ilk olma fikrini hələ 2006-cı ildə deyib.

Əgər vəziyyət belə davam edərsə o zaman Cənubi Koreya əhalisinin sayı 2056-cı ildə 40 milyona düşəcək. 2100-cü ildə bu rəqəm 20, 2200-cü ildə isə 3 milyona düşəcək. 2256-cı ildə Cənubi Koreyada 1 milyon əhali yaşayacaq. Növbəti 500 ildə əhalinin qalan hissəsi məhv olmağa doğru gedəcək.