• USD 1,7369 0,00% EUR 1,8716 0,00%
    • GBP 2,1974 0,00% RUB 0,0274 0,00%

Rusiya əsgər məzarları üçün Ukraynada torpaq tələb edir

  • Dünya
  • 2 Sentyabr 2014 11:13
  • 461 Baxış
Rusiya əsgər məzarları üçün Ukraynada torpaq tələb edir

Rusiya ordusunun nümayəndələri Luqanskda həlak olanların dəfn olunması üçün yer ayırmağı tələb edirlər.

Publika.az-ın unian.net saytına istinadən verdiyi məlumata görə, bu barədə Hərbi-siyasi Tədqiqatlar Mərkəzinin rəhbəri, “İnformasiya müqaviməti” qrupunun koordinatoru Dmitri Tımçuk “facebook” səhifəsində bildirib.

Xatırladaq ki, bir neçə gün əvvəl Pskov vilayətinin “Yabloko” Partiyasından seçilən deputatı Lev Şlosberq Rusiya ordusunun Ukraynada ölən hərbçilərinin ölkənin ucqar kəndlərinin birində gizli şəkildə dəfn olunduğunu iddia etmişdi. Bundan sonra isə L.Şlosberqin Moskvada vəhşicəsinə döyülmüşdü.

Məxfililiyin saxlanılması üçün rus hərbçilərinin məzarlarına fotoları da vurulmayıb. Deputatın bu açıqlamasından sonra informasiyanın həqiqiliyini araşdırmaq məqsədilə qəbiristanlığa media nümayəndələri də gedərək, oradan reportaj hazırlamağa cəhd ediblər. Lakin özlərini təqdim etməyən bir qrup şəxs buna imkan verməyib. Hətta bəzi jurnalistlər döyülüb.

Rusiyada fəaliyyət göstərən Əsgər Anaları Komitəsi övladlarının Ukraynada döyüşlərə aparıldığını və artıq yüzlərlə hərbçinin öldüyünü iddia edirlər.

D.Tımçuk hesab edir ki, rus əsgərlərinin cənazələrini ölkəsinə aparmaqdan çəkinən Rusiya hökuməti onların məhz Ukrayna torpaqlarında dəfn edilməsinə üstünlük verir.

Ömər Dağlı

Xəbər lenti

DAHA ÇOX XƏBƏR