Dünya
910 yaraqlı öldürüldü: 6 şəhər terrorçulardan təmizlənib
Pakistanda Taliban terror təşkilatına qarşı davam edən hərbi əməliyyatlar çərçivəsində bu yay, ən azı, 910 yaraqlı öldürüldüyü bildirilib.
Publika.az xarici mətbuata istinadən xəbər verir ki, Pakistan silahlı qüvvələrinin iyunun 15-də ölkənin şimalındakı Vəziristanda yerli və xarici yaraqlılara qarşı başladığı geniştərkibli “Zarb-e Azb” adlı əməliyyatı davam edir.
Ordunun mətbuat xidmətindən verilən yazılı açıqlamada yaraqlıların qalası olaraq tanınan Miranşah, Mirəli, Datta, Khel, Boya və Dəgan kimi şəhərlərin yaraqlılardan təmizləndiyi bildirilib.
Hüquq mühafizə orqanlarının havadan və qurudan təşkil etdiyi hücumlar nəticəsində, ən azı, 910 yaraqlının öldüyü, bombalı hücum və yaraqlılarla toqquşma nəticəsində 82 əsgərin də həlak olduğu qeyd edilib. Həmçinin yaraqlılara aid partlayıcı maddə və raket istehsal edilən binaların da yerlə-yeksan edildiyi bildirilib. Açıqlamada çoxlu sayda silah-sursatla bərabər rabitə cihazlarının da ələ keçirildiyi açıqlanıb.
Xatırladaq ki, Taliban yaraqlıları iyunun 8-də Kəraçi Beynəlxalq Hava Limanına basqın təşkil etmişdi. Nəticədə, aralarında hüquq-mühafizə orqanlarının əməkdaşları da olmaqla 29 nəfər həlak olmuşdu. Hadisədə 10 yaraqlıdan 7-si öldürülsə də, 3 nəfər üzərindəki bombanı partladaraq intihar etmişdi.
Məhz bu terror-aktından sonra Pakistan ordusu yaraqlıların qalası olaraq tanınan Vəziristan bölgəsində “Zarb-e Azb” adlı genişmiqyaslı əməliyyat təşkil edib.
Vüsal Tağı
-
Sağlamlıq07:37
Yaz aylarında infarkt riski artır - Hansı tədbirləri görmək lazımdır?
-
Ekopublika.az07:25
Azərbaycanda bəzi ərzaq məhsulları ucuzlaşdı - VİDEO
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO
-
Səhiyyə17 Aprel 22:12
"Kliniki ölüm insanı “tərəvəz”ə çevirir" - Çingiz Abdullayevdən ilk açıqlama