Dünya

Dünyada nə qədər intihar baş verir?

5 Sentyabr 2014 12:35

İl ərzində dünyada 800 min insan intihar edir. Ümumdünya Səhiyyə Təşkilatının verdiyi məlumata görə, hər 40 saniyədən bir insanlar könüllü ölümü seçirlər.

Təşkilatın təqdim etdiyi hesabata görə, hələ 2012-ci ildə 804 min nəfər intihar edib. İntensiv göstərici belədir: 100 min nəfərə 11,4 nəfər. Bu indeks kişilər üçün 15, qadınlar üçünsə 8-dir. Bəzi ölkələrdə isə intiharın statistikasını aparmırlar, onu elə bədbəxt hadisə kimi qeydə alırlar.

Yaxşı inkişaf etmiş ölkələrdə kişilər qadınlardan 3 dəfə çox intihar edir. Lakin aşağı səviyyəli inkişaf etmiş ölkələrdə qadın və kişilər arasındakı intihar göstəriciləri bərabərdir.

İntihar halları daha çox 15-29 yaş arası olur. Lakin 70 yaşdan yuxarı intihar edənlərin də sayı az deyil.

Bu halların qarşısının alınması üçün ÜST odlu silah, tibbi preparatların satışını məhdudlaşdırmağı məsləhət görür.

Nura