ABŞ İŞİD-ə qarşı beynəlxalq koalisiya yaradır
Bizi izləyin

Dünya

ABŞ İŞİD-ə qarşı beynəlxalq koalisiya yaradır

ABŞ “İslam dövləti” (İŞİD) terror qruplaşması ilə mübarizə aparmaq üçün beynəlxaq koalisiya yaradır.

Publika.az-ın xarici mətbuata istinadən verdiyi məlumata görə, bu barədə ABŞ dövlət katibi Con Kerri bildirib.

ABŞ dövlət katibi koalisiyada iştirak etmək üçün artıq 10 ölkənin müraciət etdiyini bildirib. Bunlar Avstraliya, Böyük Britaniya, Almaniyanın, Danimarka, İtaliya, Kanada, Polşa, ABŞ, Türkiyə və Fransadır. C.Kerri bildirib ki, koalisiyada təmsil olunan ölkələr İraq ərazisinə silahlı qüvvələrini daxil etmək niyyətində deyil.

“Müşavirə iştirakçıları quru qoşunlarından istifadəni qəbuledilməz olduğunu vurğuladılar. Bu bir növ qırmızı xətdir. Əsas hədəf aviasiya qüvvələrindən istifadə etməkdir”, - ABŞ xarici siyasət idarəsinin başçısı vurğulayıb.

NATO baş katibi Anders Foq Rasmussen isə rəhbərlik etdiyi ittifaqın İraq hökumətinin yardım haqqında istənilən müraciətinə baxacaqlarını qeyd edib. Lakin o, belə bir müraciətin hələ alınmadığını söyləyib.

Ömər Dağlı

Oxumağa davam et
Reklam
Reklam

Gündəm