Dünya
Yollar buzladı, dərslər təxirə salındı
Ötən həftənin sonlarından başlayan güclü qar, çovğun və şaxta
İranda paytaxt Tehranla yanaşı, 20 əyalətdə məktəblərdə bu gün də
dərslərin təxirə salınmasına səbəb olub.
Trend-in məlumatına görə, bu barədə İRNA
agentliyi xəbər verir.
Güclü qar səbəbindən Tehran, Əlborz, Həmədan, Kirman, Mərkəzi
Lorestan, Kürdistan, Kirmanşah, İsfahan, Yəzd, Qum, Qərbi
Azərbaycan, Şərqi Azərbaycan, Ərdəbil, Qəzvin, Zəncan, Xorasan-e
Rəzəvi, Xorasan-e Cənubi, Gilan, Gülüstan və Mazandaran
əyalətlərində məktəblər bağlanıb.
Məlumata əsasən, adları qeyd olunan əyalətlərdə yağıntılar hələ
də davam edir. Sürüşkən yollar və pis görünmə dərəcəsi bəzi
magistral yollarda, xüsusi ilə dağlıq ərazilərdə gediş-gəlişin
məhdudlaşdırılmasına səbəb olub.
Gilan və Mazandaran əyalətlərində güclü qar və çovğun
nəticəsində çox sayda kəndlərin yolları bağlanıb. Bəzi bölgələrdə
əhaliyə elektrik enerjisi və qazın verilməsində problemlər yaranıb.
Mazandaran əyalətində yollarda qalan insanlara yardım etmək üçün
paytaxt Tehrandan əlavə qüvvə və texnikalar cəlb olunub.
İranın Kirman əyalətində güclü qar bir sıra uçuşların təxirə
salınmasına səbəb olub.
Qeyd edək ki, fevralın 2-də də (İranda istirahət günü cümə
günüdür) ölkənin 17 əyalətində güclü qar və sürüşkən yollar
səbəbindən uşaq bağçaları, məktəblər və peşə məktəbləri səhər
növbəsi ərzində müvəqqəti bağlı idi.
Həftənin sonunadək İranın bir çox bölgələrində havanın qarlı və şaxtalı olacağı proqnozlaşdırılır.
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!