Dünya
“Gülən icması üzərində idarəçiliyin bir hissəsini itirib” - İDDİA
“Zaman” qəzetinin yazarlığından Makedoniya təmsilçiliyinə,
camaat imamlığından tələbə yataqxanalarına qədər camaatın hər
sahəsində vəzifələr yerinə yetirmiş Selim Çoraklı 1999-cu ildə
Gülən icması ilə yollarını ayırıb. Etirazlarını bir məktubla
Fətullah Gülənə bildirərək 15 ildir susan Selim Çoraklı
səssizliyini pozdu.
12 sentyabr hadisələrində ziyan görənlərdən olan S. Çoraklı 1980-ci
illərin sonlarında Fətullah Gülən camaatı ilə tanış olur. “Sızıntı”
və “Yeni Ümid” jurnalı, həmçinin “Zaman” qəzetində yazarlıqdan
Universitetdə məsul şəxs, alış-veriş xidmətləri imamlığından
Makedoniyada “Zaman” qəzetinin təmsilçiliyinə qədər camaatın bir
çox sahəsində yüksək postlarda yer alan alıb.
1997-ci il 28 fevralında yaşanan postmodern çevriliş zamanı
camaatın sürətlə dəyişən mövqeyindən narahat olur və 40 maddədən
ibarət etirazlarını F. Gülənin özünə çatdırır. Bütün cəhdlərinə
rəğmən tez-tez dəyişən camaatın mövqeyinin önünə keçə bilməyəcəyini
anladıqda ayrılma qərarı verir. Camaatda könüllü və səmimi mübarizə
dostlarına zərər vurmamaq və bir “etirafçı” kimi tanınmamaq üçün 15
il boyunca susub. 17 dekabr hadisələrindən sonra keçmiş mübarizə
dostlarına son bir çağırış etmək üçün danışmağa qərar verib. İlk
dəfə ictimaiyyətin önünə çıxan S. Çoraklı xidmət hərəkatında
yaşanan uçurumları, paralel dövlətin təşkilatlanmasını, camaata
bağlı medianı və bu siyasi böhrandan çıxış yollarından bəhs
edib.
Publika.Az Selim Çokarlının türk mediasına
müsahibəsini təqdim edir.
-Gülən camaatı ilə necə tanış oldunuz?
-Fətullah Gülənin adını 1980-ci ildən də əvvəl bilirdim, lakin
camaatla 1983-cü ildə tanış oldum. 1986-cı ildə yazdığım bir yazı
ilə bağlı Risale-i Nur təbliğatı iddiası ilə 163-cü maddəsi ilə
İzmir Məhkəməsi tərəfindən 4 il 7 ay həbs cəzası aldım. 7,5 ay
həbsdə qaldıqdan sonra təxliyə edildim. Hakim cəzamı təsdiqlədikdən
sonra qaçaq həyatım başladı. O dövrdə Fətullah Gülənə nə edim
deyildiyində “Təslim olma, tutulsan qədərdir deyə yatarsan”
demişdi. O dövrdə qaçaq kimi gəzəndə Camal Doğan adından istifadə
edirdim. Həmin vaxt camaata yaxın İzmirdəki “Sızıntı” və “Yeni
Ümid” jurnallarında çalışdım. “Zaman” qəzetinə də yazılar
göndərirdim. Ayrıca universitet xidmətlərində, bölgə xidmətlərində
və tələbə yetişdirən qurumlarda da çalışdım. Xidmətin hər sahəsində
işlədiyimi deyə bilərəm.
Camaat 1988-ci ildə “Zaman” qəzetini aldıqdan sonra mən də
“Zaman”da yamağa başladım. Rəhmətlik Özal dönəmində 163-cü maddə
ləğv edildi, beləliklə mənim də cəzam ləğv edildi. Artıq Camal
Doğan deyil, öz adımla Selim Çokarla fəaliyyətimi davam
etdirdim.
-Xidmətdə bu qədər iş görərkən nə üçün camaatdan
ayrıldınız?
-1997-ci ilin 28 aprel olayları ilə Gülən camaatında sürətlə
dəyişilməsi başladı. İslamla bağlı bəzi məsələlərə barmaqarası
yanaşılırdı, xüsusilə qızlarımızın başlarının örtməsi məsələsinə
laqeydlik göstərilirdi. Bunun üçün də Gülən və camaatın yanlış
hərəkətləri ilə bağlı fikirlərimi ortaya qoydum. 1997-ci ildə
“Senzurasız yazılar” kitabımı çap etdirdim. O kitabda zaman
qəzetində senzura qoyulan yazılarım yer alırdı. Detalları barədə
danışmağım uzun vaxt çəkər. O dövrdə bəzi şeyləri gördüyüm üçün
ümumi olaraq camaatdan ayrılmağa qərar verdim deyə bilərəm. 1999-cu
ilin 21 fevralında işlədiyim “Zaman” qəzetindən ayrıldım.
-Camaat daxilindəki köhnə tanışlarınız, dostlarınız,
tələbələriniz haqqında bu gün nə düşünürsünüz?
-Bunu açıq şəkildə deyə bilərəm ki, camaatın 95 faizi doğrudan da
gözəl insanlardır. Yəni küçədəki insanlarla qarşılaşdığında
paklığına görə əli-ayağı öpüləcək insanlardır. Onlar İslam üçün
nələrsə etmək istəyindədirlər. Lakin təəssüf ki, 5 faizdən ibarət
bir qrupla bağlı eynin sözləri demək çətindir. Xidmətlə əlaqəsi
olmayan, bu işin əziyyətini görməmiş insanlar xidmət adı ilə
qərarlar verir, fitnə yayır, siyasətə istiqamət verməyə,
polis-məhkəmə çevrilişləri etməyə çalışırlar. Anadolu insanının
səmimiyyətini başqa yerlərdə satacaq dərəcədə oyunlar
oynayırlar.
-Son üz ayda “paralel dövlət” ya da “paralel quruluş”
kimi yeni düşüncələr ortaya çıxdı. Bu paralel quruluş nədir
?
-Hüquq sistemindən kənarda hər bir quruluşu
“paralel quruluş” hesab etmək olar. Siyasətin məsuliyyətini
anlamadan siyasətə, dövlət idarəçiliyinə qarışmaq, istiqamət
vermək, polisə, məhkəməyə, dövlət qurumlarına hakim olmağa çalışmaq
“paralel quruluş”un əlamətidir. Camaatın quruluşuna gəlincə, inkar
etsələr də paralel bir quruluş var. Ən təpədə Fətullah Gülən, onun
altında ölkə imamları, şəhər imamları, mahal imamları və mənim də
33 yaşıma qədər yaşadığım dərshanə (İşıq evləri) imamları var.
Camaatın bu cür qurulması istər-istəməz hər bir qrup öz-özünə
təşkilatlanmağa başladı. Universitetlər öz aralarında, liseylər öz
aralarında, əsgər xidmətləri, polis, ədliyyə, ümumiyyətlə hər bir
xidmət öz içində birləşməyə başladı.
-Polis və məhkəmədə də belədir?
-O vaxtlarda təşkilatlanma belə idi: Hər birliyin öz içində bir
imamı var. Misal üçün, polis kollecləri, polis məktəbləri var.
Xüsusilə polis və hərbi xidmətlərdə bir qədər hücrə tipli
təşkilatlanma var idi. Onsuz da 1986-cı ildə bir qəzet Gülən
camaatı ilə bağlı manşetlər yazmışdı. O zamanlar camaat ciddi bir
zərbə almışdı. Ondan sonra daha ciddi bir hücrə tipli təşkilatlanma
başladı. Yəni bir hücrə ifşa olarsa, o biri hücrənin xəbəri
olmasın. Camaata mənsub bir mütəxəssis bir əsgərlə, ya da bir
polislə maraqlanırdı. Uzaq başı 2, yaxud 3 polislə maraqlanır və
eyni evdən istifadə etmirlər. Xüsusilə ticarətçi evlərindən
istifadə edirlər.
-Bu təşkilatlanmanın gələcəkdə idarədən çıxdığını
düşünürsünüzmü?
-Mənə görə Gülən Amerikada qalmaqla camaat idarəçiliyin bir
hissəsini itirdi. İdarəni itirdiyi üçün camaatın içindəki “dərin
damar” fərqli qruplar təşkil etdi. Bu fərqli birliklər zaman
keçdikcə böyüdü. Misal üçün, mən 1996-cı ildə 40 maddədən ibarət
“Camaatın qırılma nöqtələri” deyə bir raport hazırlayıb Fətullah
Gülən və camaatın rəhbərliyində olanlara göndərmişdim. Bu raportda
camaat içindəki qruplaşmanın bir-birilərini dinləmədiklərini və ya
o təşkilatların başında dayananların eqoizmləri artdıqca gələcəkdə
problemlər yaşanacağını bildirmişdim. Sonradan belə də oldu. O
dövrlərdəki qruplaşmalar dərin təşkilatlara çevrildi.
-Kemalettin Özdemirin Gülən camaatından ayrılmasını da belə
dəyərləndirmək olar?
-Bu daha fərqli məsələdir. Kemalettin Özdemir camaat içində dərin
bir təşkilat qurmadı. Sadəcə Fətullah Gülənin yerinə göz dikdi. K.
Özdemir polis xidmətlərinin uzun illər imamlığını etdi. Deyə
bilərəm ki, polis xidmətləri onun sayəsində belə səviyyəyə qalxa
bildi. Özü hədis professorudur. “Biz də xocayıq” dedikdən sonra
problemlər başladı. F. Gülən heç vaxt şərik qəbul etməz.
-Baş qaldıran ilk və tək şəxs Kemalettin
Özdemirdimi?
-Xeyr. Camaat içində özünə güvənən şəxslər zaman-zaman baş
qaldırmağa başladı. Gülənin dost hesab etdikləri, ən yaxınındakılar
bu müddət ərzində onu tərk etdi. İlk baş qaldıran şəxs isə Gülənin
ilk tələbələrindən olan Latif Erdoğandır. Xidmətin hər mərhələsində
çalışan L. Erdoğan bu gün tamamilə camaatdan ayrılıb. Uzun
müddətdir ki, “Akit” qəzetində yazılar yazır. Hətta Gülən camaatını
tənqid edən yazılar da yazıb o qəzetdə. “Zaman” qəzeti indi F.
Gülənin ilk tələbəsi olan və xidmətin bütün əziyyətini çəkmiş L.
Erdoğanı hədəfə alıb. Həm də bunu L. Erdoğanın ailəsindən istifadə
edərək həyata keçirirlər. Nə deyə bilərəm ki, çox təəssüf.
-Kemalettin Özdemirin camaatdan ayrılması necə baş
verdi?
-K. Özdemirin polis xidmətlərinin içində nüfuzu artınca “zərərli
olam bilər” qorxusu ilə o vəzifədən çıxarıldı və Afrikaya imam
olaraq göndərildi. Afrikadakı xidmətlərin ciddi bir hissəsində
ciddi nüfuz qazandı və böyüməyə başladı.
Gülənin avtoritar şəxsiyyəti istər-istəməz özünün iqtidarını
sarsıda biləcək insanların qarşısını kəsdi. K. Özdemir olayı belə
olub. Camaat onsuz da bunu öz mətbuat orqanlarında yazdı. Ona qədər
böyük qardaş dedikləri K. Özdemir “xain” elan edildi. K. Özdemir
Bediüzzaman Said Nursinin tələbələrindən olan Said Özdemirin
oğludur və tanıdığım qədər həyalı bir şəxsdir. Yanında qadından,
qızdan danışanda üzü qızarır. Onun belə qadınla görüntülərini
yaydılar. Bu dərin quruluş deməli, bu qədər çirkinləşib. Bir
quruluş özü yetişdirdiyi dəyərləri yeməyə başlayarsa, o yıxılmağa
doğru gedir.
-Hanefi Avcı da bu quruluşun xüsusilə polis təşkilatında güclənməsini təmin edən şəxslərdən sayılır. Lakin onun da camaatla yolları ayrıldı.
-Hanefi Avcı camaatın polis içində, xüsusilə kəşfiyyat və texniki təqib bölmələrində kadrlaşmasının baş təmsilçi idi, bunu özü də etiraf edir. Mən olayların bura qədər gələcəyini yazmışdım. H. Avcının həbs edildiyi günlərdə “Hanefi Avcı icmadaxili müharibənin qurbanımı oldu” deyə bir yazı yazmışdım. Polis içindəki təşkilatlanmanın irəlidə idarədən çıxacağı, AKP ilə problemlərin çıxmasına səbəb olacağını bildirmişdim. Məncə, onun işi məhkəyə yenidən çıxarılmalı və qısa zamanda azad olunmalıdır.
-Camaatın içindəki “dərin damar”ın sayı və gücü nə
qədərdir?
-Əvvəlcə bunu deyim ki, bu “dərin damar” polis içində də ola bilər,
yaxud məhkəmə və medianın içində. “Dərin damar” əməliyyatlarına
1996-cı ildə başladı. Mən Gülənə yazdığım raportda bunları
yazmışdım. Camaatdakı MİT əməliyatları bu maddələrdən biridir.
-Hər şeyin dərshanələrin bağlanması ilə başlandığı deyilir. Əslində
dərshanələrin bağlanması AKP-nin azadlıq çabalarında var. Baş nazir
“dərshanələri bağlayacağıq” deyəndə F. Gülənə məlumatlar çox fərqli
getdi. 28 fevral hadisələrində də 5 qat üstünə qoyaraq fərqli
məlumatlar gəlirdi. Bir qorxu atmosferi yaradılırdı. Bu gün də eyni
vəziyyət yaradılır. Güləni təhrik edərək iqtidarla mübarizə
fitilini alışdırdılar.
“Dərshanələr namusumuzdur” deyən camaat yazarlarının, sosial media
qəhrəmanlarının, televiziya şərhçilərinin bu gün dərshanələri dilə
gətirməməsi sizə normal gəlirmi? Nə oldu, dərshanələr məsələsi çox
əhəmiyyətli idi bəs? İqtidarı məhv etməyə qərar vermiş bu dərin
təşkilat dərshanələr məsələsini bir SOS, bir vasitə, bir alət kimi
istifadə etdi.
-17 dekabr əməliyyatlarının arxasında camaatın
olmadığını deyənlə camaat yazarları da var. Siz nə
düşünürsünüz?
-Bir-bir adlarını çəkərək insanları çətin vəziyyətə salmaq
istəmirəm. Ancaq bunu açıq deyim ki, 17 dekabr çox açıq şəkildə
paralel təşkilatın əməliyyatı idi. Bu sözləri deyən eyni camaat
yazarları həm də “camaat prokurorları, polisləri olmasaydı,
“Ergenekon” və “Balyoz” əməliyyatları olmazdı” sözlərini də
deyirlər. O prokurorlarla bu prokurorlar eyni deyilmi? “Ergenokon”
istintaqını camaat prokurorları açdı deyib 17 dekabr əməliyyatı ilə
əlaqəmiz yoxdur demək necə olur?
Bir sualım da var onlara: dərshanələrin bağlanması gündəmə
gəlməsəydi, AKP iqtidarı sizə sərhədsiz imkan yaratsaydı 17 dekabr
əməliyyatı olardımı? Türkiyədə buna “bəli olurdu” deyəcək tək bir
insan vardımı, mənim üçün maraqlıdır. Gerçəklər bu qədər açıq
şəkildə ortada olduğu halda ekrana çıxıb “bizim 17 dekabr
əməliyyatı və 7 fevral MİT əməliyyatı ilə əlaqəmiz yoxdur” demələri
ikiüzlük və səmimiyyətsizlikdən başqa bir şey deyil. 17 dekabr
əməliyyatı baş nazir Ərdoğanı hədəfə alıb və ölkəyə böyük ziyan
vurub.
-Telefon danışıqlarında və bəd dua çıxışında F. Gülənin
Ərdoğana çox hirsli olduğunu görürük. Sizcə bu hirsin səbəbi
nədir?
-“Mavi Mərmərə” olayında İsrail kimi bir terror dövlətini, qatil
bir dövləti haqlı sayan Gülən nə üçün müsəlman bir baş naziri qəbul
edə bilmir? 28 fevral vaxtlarında Çevik Birə “Şərəfli general gəl
bizim məktəblərimizi şərəfləndir, məktəbləri sənə verək” deyən
Gülən baş nazirə nə üçün eyni sözü söyləmədi? Gülən “hörmətli baş
nazirimiz eyni qibləyə üz tuturuq, Allahımız, peyğənbərimiz birdir,
dərshanələr sənə qurban olsun” desəydi bəlkə də onlar bağlanmazdı,
bunlar yaşanmazdı, etibar itməzdi. Yaxşı bunu nə üçün etmədi?Çünki
camaatın içində “dərdin damar” Güləni manipulyasiya etdi. Camaatın
AKP iqtidarını devirəcək gücü olduğunu Gülənə inandırdılar. Gülən
də böyük bir risk edərək iqtidara hücuma keçdi və bu əməliyyat hər
baxımdan uğursuz oldu.
-Gülən səhv etdiyini anlayıbmı sizcə?
-Məncə anlayıb. Bəd dua videosu məncə dekabrın 22-də yayımlanmışdı.
22 dekabrdan bu yana herkul.org saytında heç bir yeni videosu
yayımlanmayıb. F. Gülən yanlış yönləndirildiyini anladı. 40 illik
xidməti əməliyyatçıların əlində oyuncaq etdilər, məhv
etdilər...
-Sizcə camaat-AKP davasını kim qazanacaq?
-Baxın, 1980-ci illərdə İsgəndərpaşa camaatı var idi.
Televiziyası, qəzeti, məktəbləri, tələbə yataqxanaları, radiosu,
xəstəxanası, nəşriyyatları, dərnəkləri, vəqfləri, turizm
şirkətləri, inşaat və avtomobil salonları var idi. “İslam dərgisi”
adlı gözəl bir jurnal çıxarırdılar. Bu jurnal 100 min tirajdan
artıq satılırdı. Bu camaat üçün “Görünməyən universitet” kitabları
yazıldı. Dövlət qurumlarında İsgəndərpaşa camaatına mənsub olmaq
ayrı xüsusiyyət idi. Bu camaat bir gün “Milli görüş” lideri mərhum
Ərbakanla davaya başladı. Partiyadan kimin dediyi olacaq davası
böyüdü. Nəticədə dava siyasətə qarışdı. O böyüklüyündə olan camaat
iki hissəyə ayrılıb yox olub getdilər. “Milli görüş”dən gələn AKP
isə bu gün hələ də iqtidardadır. Siyasət-camaat davalarının qalibi
həmişə siyasət olub. Bu gün də belə olacaq. Camaat bunu başa
düşməli və “zərərin yarısından dönmək də xeyirdir” deyərək davanı
dayandırmalıdır.
Bu davanın bitməsi Gülənin iki dodağının arasındadır. İstəsə bir
açıqlama verərək davanı bitirə bilər. Əgər bu davanın Güləndən də
yuxarı beynəlxalq ölçüsü yoxsa, Gülən bunu edə bilər. Məncə xidmət
bundan sonra da əvvəlki şəkildə insan yetişdirməyə davam
etməlidir.
Asif Nərimanlı
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO