• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Rusiya və İran 5 milyard dollalıq müqavilənin müzakirəsinə başladı

  • Dünya
  • 9 Sentyabr 2014 18:15
  • 538 Baxış
Rusiya və İran 5 milyard dollalıq  müqavilənin müzakirəsinə başladı

Rusiya və İran neft qarşılığında elektrik enerjisi ixrac-idxalı ilə bağlı müzakirələrə başlayıblar.

Publika.az xəbər verir ki, birinci mərhələ üçün müqavilənin dəyərinin 5 milyard dollar olacağı irəli sürülür.

Bildirilir ki, İran neftinin tədarükünün əvəzində Rusiya İranda yeddi istilik stansiyası tikəcək. Bu ancaq razılaşmanın bir bəndidir. Sövdələşməyə eyni zamanda metallurgiya sənayesi, nəqliyyat vasitələri və kənd təsərrüfatı maşınlarının quraşdırılması, meyvə və tərəvəz gübrə təchizatı və tədarükünə artırmaq daxildir.

Bu arada qeyd edək ki, tərəflər hələ ki danışıqların təfərrüatlarını gizli saxlayırlar. Rusiyanın energetika naziri Aleksandr Novak İrandan xam neft idxal ediləcəyini açıqlayıb. Bu haqda hökumətləri arasında beş illik anlaşma memorandumu avqustun 5-də imzalanıb. “Reuters”in xəbərinə görə müqavilənin ilkin mərhələsində ayda 1,5 milyard dollarlıq dövriyyə nəzərdə tutulur. İran Rusiya məhsullarının və texnikasının müqabilində sutkada 500 min barel neft ixrac edəcək. Rəsmi Moskva isə iran neftini Çin kimi ölkələrə satmaq imkanı qazanacaq.

İqtisadiyyat şöbəsi

Xəbər lenti

DAHA ÇOX XƏBƏR