2 milyon insan terrorçuların əlində
Bizi izləyin

Dünya

2 milyon insan terrorçuların əlində

Nigeriyada 2 milyon əhalisi olan şəhər terrorçuların əlinə keçə bilər.

Publika.az-ın məlumatına görə, “Boko Haram” yaraqlıları Nigeriyanın Borno ştatının paytaxtı Mayduquri şəhərini mühasirəyə alıb və istənilən vaxt 2 milyonluq şəhər hücuma məruz qala bilər.

Ştatın ağsaqqallar şurası Nigeriya ordusunu Mayduquri şəhərini qorumağa çağırsa da, hərbiçilər bildiriblər ki, şuranın müraciəti təşviş salmaqdan başqa bir şey deyil.

Xatırladaq ki, bundan əvvəl quldurluq və insan alveri, terror ilə məşğul olan özlərini müsəlman adlandıran “Boko Haram” qruplaşması qondarma “İslam Dövləti” qruplaşmasının xilafət elanından sonra şəhərlərə hücumlar təşkil edərək fəaliyyət növlərini dəyişiblər. Mayduquri ətrafında bir neçə yaşayış məskəni ələ keçirən terrorçu qruplaşma da qondarma “Xilafət” elanından çəkinməyib.

Bu arada Nigeriya hakimiyyəti ölkənin şimalında yerləşən Borno, Yobe, Adamava ştatlarında hələ keçən ildən fövqəladə vəziyyət elan etsə də müqavimətçilərin hücumlarının qarşısını hələ də ala bilməyiblər. /anspress.com/

Oxumağa davam et
Reklam
Reklam

Gündəm