Dünya

Moskva separatçılara təyyarələr verir

12 Sentyabr 2014 20:23

Rusiya Silahlı Qüvvələri “Luqansk Xalq Respublikası” separatçılarına Su-25 təyyarələri verməyə hazırlaşır.

Axar.az xəbər verir ki, bu barədə Freejournal.biz saytı etibarlı mənbələrinə istinadən məlumat yayıb. Məlumatda Moskvanın təyyarələrlə yanaşı, bir neçə hazırlıq keçmiş pilotu da separatçıların sərəncamına göndərəcəyi bildirilib. Mənbə həmçinin təyyarələrin Luqansk aeroportunda yerləşdiriləcəyi və Ukrayna hərbiçilərinə zərbələr endirəcəyini deyib.

Sayt həmçinin sosial şəbəkələrdə üzərində heç bir bayraq görüntüsü olmayan təyyarələrin Rostov aerodromunda yerləşdirilməsini əks etdirən foto yayımlayıb.