Dünya
Arvadı İŞİD-ə qoşulan ər: “Başımı bağlamaq istəyirəm” dedi” - Şok detallar
Amerikanın “Newsweek” jurnalı Türkiyənin Kocaeli
Dilovası mahalından Suriyaya 2 avtobus çıxdığını və həmin avtobusda
19 şəxsin İŞİD-ə qatılmaq üçün getdiyi yazıb.
Publika.az xəbər verir ki, ABŞ jurnalı “İŞİD İstanbulun yoxsul
məhəllərindən əsgər toplayır” - deyə, bildirib.
Bunu araşdıran jurnal 2 övladı olan 28 yaşlı Dəniz Şahinin həyatını
təqdim edir. D.Şahinin dediyinə görə, əvvəlcə içki düşgünü olan
keçmiş həyat yoldaşı Sadiq radikal islama qoşulub. Ötən ay Sadiq
uşaqlarının görmək bəhanəsi ilə Ankaranın Kazan bölgəsinə gələrək,
4 yaşındakı oğlu Xəlil İbrahim ilə 10 yaşındakı qızı Esma Senayı
qaçırdaraq İŞİD-in mərkəzi olan Suriyanın Rakka şəhərinə
aparıb.
Uşaqları qaçırıldıqdan bir həftə sonra D. Şahinə onlarrın
fotolarını göndərib. Fotoda sağ əlinin şəhadət barmağını yuxarı
qaldıran oğlu İbrahim sol əlində tapança tutub. Esma isə bir
dəvənin yanında ibtektivə gülümsəyir. Hər iki foto Rakada
çəkilib.Uşaqlar artıq İŞİD-ə qoşulan ataları ilə yaşayır.
Jurnalın araşdırmasında deyilir ki, İŞİD əsasən internet üzərindən
qadın və uşaqları hədəfə alır.
Buna nümunə kimi Böyükçekmecede yaşayan 44 yaşlı Şahin Aktanın
başına gələnləri göstərmək olar. Aktan 25 yaşlı qırğız əsilli
Svetlana ilə ailə həyatı qurub. 3 yaşlı Destan adlı oğulları var.
Bir müddət əvvəl Svetlana oğlunu da götürərək Rakkaya gedir və orda
İŞİD-ə qoşulur.
”Həyat yoldaşım xristian idi. İnternetdə vaxtını çox keçirirdi.
İslamı internet səhifələrindən öyrənmişdi. Bir gün mənə “başımı
bağlamaq istəyirəm” dedi, mən də razı oldum. Məndən saqqal
byraxmamı istədi. Gündə 5 vaxt namaz qılmağımızı, iki saat Quran
oxumamızı istədi. Mən bunları istəmədim”, - deyə o bildirir.
Qeyd edir ki, İŞİD üzvlərindən biri saxta “Facebook” profilindən
Svetlana ilə tanış olub.
Aktan Svetlanın “Facebook”da “Qara bayrağın altında yaşayan
insanlar yaxşı insanlardır və mən Şam torpaqlarında yaşayacağam”
sözlərini görəndən sonra nə baş verdiyini anlayır. Əvvəlki evinə
qaçır, amma onları tapmır. Nə qədər çalışsa da, heç olmasa, bir
uşağı belə geri qaytara bilmir.
Daha sonra keçmiş həyat yoldaşının boşandıqdan sonra 4 ay boyunca
bir əfqan mücahidlə təmasda olduğunu öyrənib.
“Newsweek” qeyd edir ki, İŞİD Türkiyəyə çox yaxınlaşıb və onların
arasından yüzlərlə insanı özünə qoşmağı bacarıb.
Asif Nərimanlı
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ