• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

NATO hərbçiləri Ukrayna sərhədlərində

  • Dünya
  • 16 Sentyabr 2014 00:51
  • 498 Baxış
NATO hərbçiləri Ukrayna sərhədlərində

Ukrayna silahlı qüvvələri NATO hərbi qruplaşmalarının iştirakı ilə növbəti hərbi təlimlərə başlayıblar. Ölkənin qərb sərhədləri hüdudlarında keçirilən təlimlərdə 15 NATO və qeyri-NATO ölkələrindən 1000-dən çox hərbçi iştirak edir.

Publika.az-ın UNİAN-a istinadən məlumatına görə, hərbi təlimlər Lvov şəhərində Polşa ilə sərhəd bölgələrdə keçirilir. Qarışıq döyüş taktikasının tətbiqi ilə gerçəkləşdirilən təlimlər 10 gün - sentyabr ayının 26-na qədər davam edəcək. Xatırladaq ki, bir müddət əvvəl keçirilməsi planlaşdırılar müvafiq təlimlər Ukraynada cərəyan edən döyüşlərlə əlaqədar təxirə salınmışdı.


Ukraynanın baş naziri Arseni Yatsenyuk isə bir qədər əvvəl Ukraynanın NATO-ya üzvlük məsələsini Ali Radada müzakirəyə çıxarmışdı. Yatsenyuk ölkənin NATO-ya üzv olması üçün lazımi tədbirlərin görülməsinə çalışacağını vurğulamışdı.

Ukraynanın ordu polkovniki Oleksandr Sivak hərbi təlimlər zamanı, əsasən, qarışıq döyüş taktikalarının aspektlərinə diqqət yetirəcəklərini bildirib. O qeyd edib ki, təlimlərdə hazırlıq keçən hərbçilərin təcrübəsindən Donbass regionunda terorçulara qarşı aparılan əməliyyatlarda, döyüş hazırlığının artırılmasında istifadə olunacaq.

Xəbər lenti

DAHA ÇOX XƏBƏR