Dünya

Putin Ukraynanın bank bazarına xəbərdarlıq etdi

22 Sentyabr 2014 22:00

“Ukraynanın bank sektorundakı müəssisələrin 30 faizindən çoxu Rusiyanın payına düşür. Əgər Rusiya Ukraynanın bank sektorundan çıxarsa, bu Ukrayna iqtisadiyyatına ciddi zərbə olacaq”.

Publika.az-ın RİA xəbər agentliyinə istinadən verdiyi məlumata görə, bu sözləri Rusiya prezidenti Vladimir Putin VTB bankının rəhbəri Andrey Kostinlə görüşdə söyləyib.

“Rusiya Federasiyası bankları çətinliklərə baxmayaraq, Ukraynada işini davam etməlidir. Çünki bu bazardan çıxmağımız Ukrayna iqtisadiyyatına ciddi zərbə vuracaq”, - deyə Rusiya prezidenti bildirib.

A.Kostin isə qeyd edib ki, VTB-nin Ukraynadakı ofislərində vandalizmin aktları baş verir, bankın əməkdaşları təhdid olunurlar.

Xatırladaq ki, VTB bankı ABŞ və Avropa Birliyi, eləcə də Kanadanın sanksiyalarına mərub qalıb. İndiki halda isə onun Ukrayna maliyyə bazarını tərk etmək istəməməsi başadüşüləndir.

Ömər Dağlı