• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

İŞİD 251 İraq əsgərini belə öldürdü – FOTOLAR

  • Dünya
  • 1 Oktyabr 2014 11:24
  • 2 145 Baxış
İŞİD 251 İraq əsgərini belə öldürdü – FOTOLAR

Terror təşkilatı İŞİD (İraq Şam İslam Dövləti) Fəllucə rayonu yaxınlığında vəzifəsini yerinə yetirən İraq Ordusunun 6-cı birliyinin 30-cu Tuqay qərargahına təşkil etdiyi qanlı basqının fotoları yayımlanıb.

Publika.az “Doğan” xəbər agentliyinə istinadən xəbər verir ki, 251 İraq əsgərinin öldüyü basqında İŞİD-in kimyəvi silahdan istifadə etdiyi iddia olunur. Məhz əsgərlərin də xlor qazından zəhərlənərək öldükləri deyilir.

İraqın qərbində yerləşən Fəllucə rayonu yaxınlığında olan Əl-Səcir ilə Əl-Saklaviyə bölgələrində vəzifəsini yerinə yetirən İraq Ordusunun 6-cı birliyinin 30-cu Tuqay qərargahına 21 sentyabr tarixində İŞİD terror təşkilatı tərəfindən xlor qazı yüklənmiş tanker ilə kamikadze hücumu təşkil edilib.

Yerli mənbələrə görə hücumda 251 əsgər ölüb, 118 əsgər də yaralanıb.

Basqından sonra şiələrin yaratdığı Milli İttifaqın üzvü millət vəkili Əli Əl-Budeyri İŞİD-in hücumlarda xlor qazından istifadə etdiyini iddia edib.

İŞİD qanlı basqından sonra qərargahın fotolarını yayımlayıb. Yayımlanan fotolarda hücumlardan sonra İŞİD-in çoxlu sayda silah və tank qənimətlərini ələ keçirdiyi görünür. Fotolarda həmçinin hücumdan sonra yanan çoxlu sayda tank və hərbi vasitələr əks olunub.

Vüsal Tağı

Xəbər lenti

DAHA ÇOX XƏBƏR