Dünya
Astanadan Minsk sammiti öncəsi Putini sevindirən xəbər
Qazaxıstan Senatı (parlamentin yuxarı palatası) Avrasiya İqtisadi İttifaqının yaradılması haqqında müqavilə təsdiqləyib.
Publika.az-ın İTAR-TASS xəbər agentliyinə istinadən verdiyi məlumata görə, sənəd imzalanmaq üçün dövlət başçısına göndəriləcək.
“Avrasiya İqtisadi İttifaqı çox əhəmiyyətli layihədir. İttifaq üç böyük dövlətin əməkdaşlığını, yeni iş yerlərinin açılmasını, inteqrasiyanı və iqtisadi inkişaf üçün investisiyaların cəlb edilməsini nəzərdə tutur. Ən vacibi isə odur ki, layihənin reallaşdırılması üç dövlətin vətəndaşlarının rifahının yüksəlməsinə imkan yaradır”, - deyə Senat sədri Kasım-Jomarta Tokaeva bildirib.
Senat sənədi, demək olar ki, yekdilliklə qəbul edib. Senatorlardan 44-ü sənədin lehinə səs verib, 1-i isə bitərəf qalıb.
Qazaxıstan parlamentinin aşağı palatası oktyabrın 1-də Avrasiya İqtisadi İttifaqının yaradılması haqqında müqaviləni təsdiqləyib. Oktyabrın 4-də isə Rusiya prezidenti Vladimir Putin müqaviləni Rusiya Dövlət Duması və Federasiya Şurasından keçdikdən sonra imzalayıb.
Xatırladaq ki, Rusiya, Qazaxıstan və Belarus prezidentləri Vladimir Putin, Nursultan Nazarbayev və Aleksandr Lukaşenko bu il mayın 29-da Qazaxıstanın Astana şəhərində Avrasiya İqtisadi İttifaqının yaradılması haqda müqaviləni imzalayıblar. Müqavilə hər üç dövlətin ərazisində malların, xidmətlərin, kapitalın və işçi qüvvəsinin sərbəst hərəkətini nəzərdə tutur.
Rusiya, Qazaxıstan və Belarus Avrasiya İqtisadi İttifaqının və Rusiyanın təşəbbüsü ilə yaradılmış Gömrük İttifaqının təsisçiləridir. Bu dövlətlərin başçıları Ali Avrasiya İqtisadi Şurasında təmsil olunurlar. Sözügedən şura Avrasiya İqtisadi İttifaqını və Gömrük İttifaqını idarə edir.
Oktyabrın 10-da Minskdə Avrasiya İttifaqının sammiti keçiriləcək. Sammitdə Ermənistanın bu təşkilata üzv olması ətrafında məsələlər müzakirə olunacaq.
Ömər Dağlı
-
Cənubi Qafqaz19:36
Ermənistan hərbçisi Azərbaycanla sərhəddə minaya düşdü
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!