Dünya

Məşhur geyim brendi kürd qadınlarından üzr istədi – FOTOLAR

11 Oktyabr 2014 13:15

İsveç şirkəti “H&M” yaz-yay - 2015 yeni geyim kolleksiyasına görə hərbçi kürd qadınlardan üzr istəməli olub.

Sentyabrın əvvəllərində fransız dizayneri Aleksis Mabiy “zeytun rəngli” kombinezonlarını təqdim edib. Yeni geyim kolleksiyasının rəngi və dizaynı hərbçilərin xüsusi geyimini xatırladıb.

Bundan sonra, kürd qadınlarının paraşütçü dəstəsi “H&M” şirkətini onların geyim eskizlərini oğurlayıb öz adına çıxmaqda ittiham edib. İsveç şirkətinin əməkdaşları baş verən hadisə ilə bağlı artıq üzr istəyiblər. Şirkətin mətbuat xidməti bildirib: “Əgər biz sizi hər hansı bir yolla incitmişiksə, təəssüf edirik. İnanın ki, biz bunu nəzərdə tutmamışdıq”.

Hazırda isə kürdlər “islam dövlətinin” hərbçiləri ilə mübarizə aparır. Artıq 3-cü həftədir ki, ekstremistlər Türkiyə sərhədində yerləşən və kürd muxtariyyətinin paytaxtı hesab olunan Kobani şəhərini mühasirəyə alıb. Ərazidə yerləşən yüzlərlə kürd kəndi terrorçuların nəzarəti altındadır.

Nura