Dünya

Putin və Merkel Ukrayna böhranını müzakirə ediblər

17 Oktyabr 2014 11:00

Rusiya prezidenti Vladimir Putin və Almaniya kansleri Anhela Merkel arasında Milanda görüş keçirilib. Publika.az Rusiya mətbuatına istinadən xəbər verir ki, bu barədə Rusiya prezidentinin mətbuat katibi Dmitri Peskova məlumat verib.

Görüşdə tərəflərin ən əsas müzakirə etdikləri Ukrayna məsələsi, Ukraynadakı böhran, qaz probleminin həll olunmasıla bağlı Minsk razılaşmasının realizə edilməsi, ölkənin cənub şərqində qarşı duran tərəflər arasında razılığın əldə olunmasıya bağlı məsələlər olub.

Mənbənin verdiyi məlumata görə, 2,5 saat çəkən görüşdə Putin və Merkel Ukraynadaxili konfliktin səbəbləri ilə bağlı müzakirələr aparıblar və monitorinq müddətində atəşkəs əldə olunmasıyla bağlı məsələyə də toxunublar.

Xatırladaq ki, Vladimir Putin oktyabrın 17-də Milanda baş tutacaq 10-cu “Asiya-Avropa” sammitinə qatılmaq üçün İtaliyaya gedib.

Gülnar Əliyeva