İranda iki günlük matəm elan olundu
Bizi izləyin

Dünya

İranda iki günlük matəm elan olundu

Oktyabrın 21-də tanınmış din xadimi, İran İslam Respublikasının Xübrəqan (Ali Dini Şura) Məclisinin sədri Ayətullah Məhəmmədrza Məhdəvi Kəni 83 yaşında ürək tutmasından vəfat edib. Bununla əlaqədar İranda iki günlük matəm elan olunub.

AzərTac xəbər verir ki, Ayətullah Məhəmmədrza Məhdəvi Kəni İran İslam İnqilabından sonra ölkədə bir sıra yüksək vəzifələrdə çalışıb. O, 2011-ci ildə Əli Əkbər Haşimi Rəfsəncaninin Xübrəqan Məclisinin sədrliyindən istefa verdikdən sonra bu vəzifəyə seçilmişdi.

Xübrəqan Məclisi İranın mühüm hakimiyyət orqanlarından biridir. Bu qurumun səlahiyyətlərinə İranın Ali Rəhbərinin fəaliyyətinə nəzarət etmək, Ali Rəhbəri seçmək və onu vəzifədən uzaqlaşdırmaq daxildir.

Oxumağa davam et
Reklam
Reklam

Gündəm