• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Putinin keçmiş məsləhətçisi: “Rusiya səkkiz dövlət arasında bölünəcək”

  • Dünya
  • 25 Oktyabr 2014 13:45
  • 1 477 Baxış
Putinin keçmiş məsləhətçisi: “Rusiya səkkiz dövlət arasında bölünəcək”

“Ukrayna və Rusiya Federasiyası arasında müharibə bitdikdən sonra qonşu dövlətlər tarixi ərazilərin qaytarılması üzrə iddialarla çıxış edə bilər”.

Publika.az-ın verdiyi xəbərə görə, belə bir iddia ilə Rusiya Prezidentinin keçmiş məsləhətçisi, ABŞ-ın Katona İnstitutunun elmi işçisi Andrey İllarionov çıxış edib.

A.İllarionovun sözlərinə görə, Rusiya bir sıra ərazilərdən məhrum ola bilər: “Pskov vilayətinin Ptalovski rayonu Latviya, Leninqrad vilayətinin Kinqisepski rayonu Estoniya, Karel bərzəxinin şimalı və Peçenqa Finlandiya, Smolensk və Bryansk vilayətləri Belarus, Voronej və Rostov vilayətləri, həmçinin Krasnodar vilayəti Ukraynaya, Qərbi Sibirin əhəmiyyətli əraziləri Qazaxıstana, ən azı 1,5 milyon kvadrat kilometrlik Sibir və Uzaq Şərq ərazisi Çinə, Kuril adaları və Saxalin isə Yaponiyaya keçə bilər”.

O həmçinin təbii qaz və neft yataqları, bank sistemi və magistral boru kəmərlərinin beynəlxalq nəzarətə keçə biləcəyini istisna etmir.

İllarionov hesab edir ki, Rusiya Federasiyası müasir dünyanın əhəmiyyətli hissəsinə qarşı birbaşa təcavüz edəcəyi halda ölkənin potensialı tamamilə dağıdılacaq, böyük ərazilərdə aclıq və epidemiyalar təhlükəsi yaranacaq.

“Rusiyanın sağ qalmış vətəndaşlarının əksəriyyəti müvəqqəti hökumətdən Krımın dərhal Ukraynaya qaytarılmasını tələb edəcək. Ukrayna ilə normal diplomatik, iqtisadi və humanitar münasibətlərin bərpası Rusiya cəmiyyətinin nəhəng faciəsindən sonra əsas məsələ olacaq”, - deyə Rusiya prezidentinin keçmiş məsləhətçisi deyib.

Onun sözlərinə görə, Rusiya üçün qorxunc ssenarinin reallaşmasına qədər Krımı könüllü və daha sadə şəkildə qaytarmaq mümkündür.

Qeyd edək ki, İllarionov iki gün əvvəl “Amerikanın səsi” radiostansiyasının verdiyi müsahibəsində Rusiyanın təcavüzkar siyasətindən danışıb. A.İllarionov proqnozlaşdırır ki, Kreml növbəti iki il ərzində Ukraynanın müstəqilliyinə son qoymaq üçün bütün mümkün və qeyri-mümkün resursları səfərbər edəcək.

Ömər Dağlı

Xəbər lenti

DAHA ÇOX XƏBƏR