• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Alla Yazkova: “Hər an yeni Qarabağ müharibəsi başlaya bilər”

  • Dünya
  • 29 Oktyabr 2014 16:58
  • 677 Baxış
Alla Yazkova: “Hər an yeni Qarabağ müharibəsi başlaya bilər”

“Dağlıq Qarabağ münaqişəsinin həlli bir sıra xarici amillər üzündən çətin problemlə çevrilib. Parisdə razılıq əldə olunsa da, bu, güc tətbiqinin qarşısını almayacaq”.


Publika.az xəbər verir ki, bu barədə “Aralıq Dənizi Mərkəzinin” rəhbəri, Avropa İnstitutunun eksperti Alla Yazkova Azərbaycan və Ermənistan prezidentlərinin Paris görüşünü şərh edərkən deyib.


A. Yazkova münaqişə tərəflərinin bir-birinə qarşı sərt mövqedə dayandığına diqqət çəkərək ilkin mərhələdə yanaşmaları dəyişdirməyin vacibliyini vurğulayıb: “Xüsusilə son zamanlar güc tətbiqi haqqında hərbi ritorika genişlənib. Vasitəçilər tərəfləri sakitləşdirməyə çalışırlar, amma hər iki tərəfin bir-birini məhv etmək üçün məqam gözlədiyi müşahidə olunur. Bu baxımdan, Paris görüşü o qədər də əhəmiyyətli deyil. Bölgədə hər an yeni Qarabağ müharibəsi ola bilər. Ümumi mənzərə bunu deməyə əsas verir”.


A. Yazkova Ermənistanın hazırda pis vəziyyətinə diqqət çəkib: “Cənubi Qafqaz ümumiyyətlə mürəkkəb ərazidir. Avropaya enerji resurslarının çatdırılmasında əsas yollar burdan keçir. Ermənistan isə bütün bu proseslərdən təcrid olunub. O, öz məhsulunu ixrac edə bilmir. Bunun üçün Gürcüstan yolu var idi. Amma Tiflisin Assosiativ Sazişi imzalaması bunu çətinləşdirdi. İran marşrutu var. Amma Tehranın Ermənistana görə Bakını qəzəbləndirəcəyini düşünmək yanlış olar. Xüsusilə, İran əhalinin 3/2 hissəsinin azərbaycanlılar olduğunu unutmamalıyıq”.


A. Yazkova regionda müharibə təhlükələrinə qarşı həll variantı kimi Ermənistanın güzəştə getməsini göstərib. Onun sözlərinə görə, İrəvanın güzəştə getməsi bu ölkənin çətin durumdan çıxmasına da kömək edə bilər.


Asif Nərimanlı

Xəbər lenti

DAHA ÇOX XƏBƏR