Dünya

Rusiya “Bulava”nı sınaqdan keçirdi

30 Oktyabr 2014 03:24

Rusiya bu gün “Bulava” qitələrarası ballistik raketin atom sualtı gəmisindən ilk atışını həyata keçirib.

Publika.az-ın rus mediasına istinadən verdiyi məlumata görə, bu barədə Rusiya Federasiyası Müdafiə Nazirliyinin nümayəndəsi İqor Konaşenkov bildirib.

Ballistik raket Ağ dənizdəki “Yuriy Dolqorukiy” sualtı gəmidən Kamçatkadakı poliqona buraxılıb və atış müvəffəqiyyətlə həyata keçirilib.

Qeyd edək ki, “Bulava” qitələrarası ballistik raketinin uçuş məsafəsi təchizatdan asılıdır və bu məsafə 11 min kilometrə qədər çata bilər. “Bulava”nın 2025-2030-cu illərdə qədər Rusiyanın dəniz strateji nüvə güclərinin əsasını təşkil edəcəyi göslənilir.

Ömər Dağlı