• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

“Mişa, məni vur! Sən ukraynalıları güllələməyi sevirsən!" ­– VİDEO

  • Dünya
  • 5 Noyabr 2014 12:40
  • 895 Baxış
“Mişa, məni  vur!  Sən ukraynalıları güllələməyi sevirsən!" ­– VİDEO

Bir müddət əvvəl “Donetsk Xalq Respublikası” separatçı quruma səfər edən və Donetsk aeroportu ətrafında yerləşən mövqedən pulemyotla atəş açan məşhur rusiyalı aktyor Mixail Poreçenkov xoşagəlməz vəziyyətlə qarşılaşıb.

Publika.az xəbər verir ki, hadisə Moskvada teatr səhnəsində baş verib.

“Arzu tramvayı” tamaşasının nümayişindən sonra aktyorların tamaşaçılara minnətdarlıq etdiyi zaman zaldan M.Poreçenkova oyuncaq tapança və medal atılıb.

Tapança və medalı səhnəyə atan tamaşaçı Poroçenkova “Mişa, məni vur! Sən ukraynalıları güllələməyi sevirsən!" deyib. Tamaşaçıların bir çoxları da onun bu addımına dəstək veriblər.

Xatırladaq ki, bir neçə gün əvvəl Poroçenkovun Donetsk aeroportu ətrafında yerləşən mövqedən pulemyotla Ukrayna ordusunun mövqelərinə doğru atəş açması ilə bağlı video internetdə yerləşdirilib. Rusiyalı aktyor tamamilə hərbi formadadır və kaska geyinib.

M.Poreçenkova barəsində Ukrayna Cinayət Məcəlləsinin 260-cı maddəsi ilə cinayət işi açılıb.

“Mixail Poreçenkov Donetskə gələrək silahlı dəstə tərkibində avtomatik silahdan Ukrayna silahlı qüvvələrinə qarşı atəşdə şəxsən iştirak edib. Ukraynanın Cinayət Məcəlləsinə əsasən, onu 7 ildən 12 il müddətinə kimi azadlıqdan məhrum edilmə cəzası gözləyir”, - deyə Ukrayna daxili işlər naziri Arsen Avakov yazıb.

Ömər Dağlı

Xəbər lenti

DAHA ÇOX XƏBƏR