Dərbənddə antiterror əməliyyatı - Vəliyev öldürüldü
Bizi izləyin

Dünya

Dərbənddə antiterror əməliyyatı - Vəliyev öldürüldü

Dağıstan Muxtar Respublikasının Dərbənd şəhərində “Süleyman-Stalskoy” adlanan dəstənin lideri və onun cinayət yoldaşlarından biri məhv edilib.

Publika.az-ın Rusiya mediasına istinadən verdiyi məlumata görə, bu barədə Milli terrorçuluğa qarşı komitənin mətbuat xidmətindən bildirilib.

Məlumata görə, antiterror əməliyyat gücləri dəstənin Vəlibəy Vəliyev və onun silahdaşını şəhərin Salman küçəsindəki doqquzmərtəbəli binanın mənzillərindən birində olması barədə informasiya alıb. Antiterror əməliyyatı gücləri güclü silahlı müqavimətlə qarşılaşıb və onlar cavab atəşi ilə məhv edilib.

Hadisə yerində aparılan axtarışların nəticəsində avtomat silah, tapança və radiostansiya aşkarlanıb.

Qeyd olunur ki, “Süleyman-Stalskoy” dəstəsinin 26 yaşlı lideri V.Vəliyev federal axtarışda olub. Onun sahibkarlardan zor gücünə böyük məbləğdə pul aldığı və polis əməkdaşlarının avtomobillərində partlayışlar təşkil etdiyi bildirilir.

Ömər Dağlı

Oxumağa davam et
Reklam
Reklam

Gündəm