Dünya
Saakaşvili Ukraynada vəzifədən niyə imtina etdi?
Gürcüstanın sabiq prezidenti Mixeil Saakaşvili Ukraynanın baş nazirinin müavini vəzifəsindən imtina edib.
Publika.az-ın Gürcüstan mediasına istinadən verdiyi məlumata görə, bu barədə Saakaşvilinin özü “Rustavi-2” telekanalına müsahibəsində deyib.
O, öz qərarını Gürcüstan vətəndaşlığından ayrılmağa hazır olmaması və Gürcüstanın onun üçün Ukraynadan daha əhəmiyyətli olması ilə izah edib. Sabiq prezident qeyd edib ki, yalnız Gürcüstan üçün Ukrayna hökumətində postu qəbul etməyib.
Bundan əvvəl isə Gürcüstanın Xarici İşlər Nazirliyinin rəsmi nümayəndəsi David Kereselidze bildirmişdi ki, Saakaşvilinin Ukraynada dövlət postuna təyin edilməsi iki ölkənin münasibətlərində müsbət fon yaratmayacaq. O xatırladıb ki, qeyri-qanuni hərəkətlərə yol verdiyi üçün Saakaşviliyə qarşı vətənində cinayət ittihamları irəli sürülüb.
Ukrayna mediasının yazdığına görə, ölkənin yeni hökumətində əcnəbilər altı yer ala bilər. Xüsusi olaraq, korrupsiyaya qarşı büronun rəhbərliyinə M.Saakaşvilinin və Gürcüstanın sabiq ədliyyə naziri Zurab Adeişvilinin namizədliyinə baxıldığı iddia olunur.
İnfrastruktur nazirinin isə Litvadan olması müzakirə olunur.
Bundan əvvəl də prezident Pyotr Poroşenko Nazirlər Kabinetində əcnəbi təyinatlarının mümkünlüyündən danışmışdı. Ukrayna Nazirlər Kabinetinin tərkibinin bu gün açıqlanacağı gözlənilir.
Ömər Dağlı
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO
-
Yaxın Şərq09:12
İsrail İranı vurdu: görün neft bahalaşaraq neçəyə oldu
-
Hadisə08:07
Qızı ilə Kürdə batan atanın meyiti TAPILDI
-
Magazin106:16
Əməkdar artist: “Oğlumun vəfatından sonra yatmıram”