Dünya

Suriyada ölənlərin sayı açıqlandı - DƏHŞƏTLİ İTKİ

3 Dekabr 2014 03:21

Suriyada davam edən münaqişələr zamanı 200 mindən çox adam həlak olub.

Publika.az-ın məlumatına görə, bu barədə mərkəzi qərərgahı Londonda yerləşən Suriya İnsan Haqları Təşkilatının son hesabatında bildirilib. Hesabata görə, Suriyada daxili müharibə başlayandan bu günə qədər 202 min 354 adam həyatını itirib. Ölənlərin 130 mini Əsəd hakimiyyətinə sadiq əsgərlər və silahlı müxaliflərin nümayəndələri, 10 min 377 nəfəri uşaq olmaqla 63 min 74 nəfəri isə sadə vətəndaşlardı.

Hesabtdan həmçinin məlum olur ki, ən çox həyatını itirən mülki şəxslər və Əsəd Ordusu olub. Belə ki, 4 il davam edən müharibədə müxalifət 37 min 324 nəfər itirib ki, onların 22 min 624 nəfəri əcnəbi döyüşçülər olub. Əsəd ordusu isə bu müharibədə 44 min 237 əsgərini torpağa tapşırıb.