Dünya

İran İŞİD-i bombaladı, Əl-Qaidə İran səfirliyini

4 Dekabr 2014 00:45

İran İslam Respublikasının Yəmənin paytaxtı Səna şəhrindəki səfirliyinin binası bombalanıb.

Publik.az-ın məlumatına görə, avtomobilə yerləşdirilmiş bombanın partlaması nəticəsndə səfirliyin divarı dağılıb və yaxınlıqdakı bir neçə binaya zərər dəyib. Hadisə zamanı azı 3 nəfər ölüb, 17 nəfər yaralanıb.

Hücumun məsuliyyətini Əl-Qaidə öz üzərinə götürüb. Terror təşkilatı bu barədə öz Tvitter səhifəsində bəyanat yayıb.

Rəsmilər İranın Yəməndəki səfiri Hüseyn Nikamın xəsarət almadığını bildirib. İranın İRNA rəsmi xəbər agentliyi Xarici İşlər Nazirliyinin sözçüsü Mərziyə Əfxama istinadən bildirib ki, səfirlik işçilərinin durumu yaxşıdır və nazirlik hadisə ilə bağlı təhqiqat aparır.

Qeyd edək ki, Pentaqonun yaydığı məlumatlara görə, son günlər İran təyyarələri İraqda İŞİD-in mövqelərinə hava hücumları edir.

Əl-Qaidənin buna cavab olaraq İrandan qisas aldığı güman edilir.