Dünya

“Əl-Qaidə”nin girov saxladığı jurnalist ABŞ-dan kömək istədi - VİDEO

5 Dekabr 2014 07:36

"Əl-Qaidə” terror təşkilatı bir il əvvəl oğurlanan amerika jurnalisti edam edə bilər.

Publika.az-ın xarici mediaya istinadən verdiyi məlumata görə, təşkilatın Yəmən qolu Lyuka Somersi edam etməklə hədələyib.

Amerikalı jurnalist Yəmənin paytaxtı Sanın şəhərində ötən ilin sentyabrında oğurlanmışdı. “Əl-Qaidə” jurnalistin müraciət etdiyi videonu internetdə yerləşdirib.

Somers onun bir ildən çoxdur ki, "Əl-Qaidə"nin əlində olduğunu xatırladıb. O, yaranmış vəziyyətdən müstəqil çıxa bilmədiyini və köməyə ehtiyac olduğunu vurğulayıb. Jurnalist əlavə edib ki, onun həyatı təhlükədədir.

Bundan sonra "Əl-Qaidə" nümayəndəsi bildirib ki, ABŞ üç gün ərzində tələblərini yerinə yetirməyəcəyi halda jurnalist öz taleyi ilə barışmalı olacaq. Tələblərin nədən ibarət olduğu isə videoda bildirilmir.

Ömər Dağlı