• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

ABŞ-da etirazlar davam edir: 20 nəfər həbs olunub

  • Dünya
  • 8 Dekabr 2014 08:49
  • 375 Baxış
ABŞ-da etirazlar davam edir: 20 nəfər həbs olunub

ABŞ-da silahsız qaradərili gənci öldürən ağ polis zabiti barəsində Andlılar Məhkəməsinin heç bir ittiham irəli sürməməsinə etiraz əlaməti olaraq nümayişlər davam edir.

Publika.az xəbər verir ki, dünən və bu gün nümayişçilər Nyu-York, Vaşinqton, Çikaqo, Detroyt, Los Anceles, Hyuston və Sietl da daxil olmaqla, ABŞ böyük şəhərlərində küçələrə çıxıb. Nümayişçilər böyük mağazaların döşəmələrinə uzanaraq "ölümü" canlandırıb və yolları bağlayıblar.

Kaliforniya ştatının Berkli şəhərində nümayişlər zorakı xarakter alıb. Polislə qarşıdurma yaradan maskalı etirazçılar bəzi mağazaların şüşələrini sındırıblar. İnsident zamanı iki tranzit dayanacaq da fəaliyyətini dayandırıb.

Nyu-Yorkda da polis işçilərinin azlıqlara qarşı zorakılığına etiraz olaraq keçirilən nümayişlər beşinci gündür davam edir. Şənbə günü polis zabiti tərəfindən keçən ay qətlə yetirilmiş qara dərili şəhər sakininin dəfn mərasimi olub. Noyabrın 20-də polis zabiti üzərində silah olmayan 28 yaşlı Akay Qurleyi güllə ilə vurub öldürüb. Bruklin dairəsinin vəkili Andlılar Məhkəməsinin Piter Lianqa qarşı ittiham irəli sürülməsini nəzərdən keçirir.

Nyu-York şəhər rəsmiləri nümayişlər zamanı 20 nəfərin həbs edildiyini bildirib. Nümayişçilərin əsas küçələrdən birini bağlamağa cəhd göstərdikləri və ictimai asayişi pozduqlarına görə həbs edildiyi deyilir.

Xəbər lenti

DAHA ÇOX XƏBƏR