Dünya

Azərbaycanla sərhəddə döyüşlər başladı - YENİLƏNİB

12 Dekabr 2014 12:19

Son məlumatlara görə, xüsusi əməliyyat zamanı beş silahlı öldürülüb. Qeyd olunur ki, silahlıların əlində bir neçə uşaq və qadın olub. Hüquq-mühafizə orqanlarının əməkdaşları silahlıları girovları azad etməsinə inandıra biliblər. Lakin silahlılar özləri təslim olmaqdan imtina ediblər.

11:48

Dağıstan Muxtar Respublikasının Qarabudaqkənd rayonunun Qurbiki kəndində silahlılarla təhlükəsizlik əməkdaşları arasında döyüş başlayıb.

Publika.az-ın “İnterfaks” xəbər agentliyinə istinadən verdiyi məlumata görə, təxminən dörd döyüşçünün olduğu bir ev mühasirəyə alınıb.

“Silahlılar təslim olmaqdan imtina etdilər, hazırda döyüş gedir", - agentliyə hüquq-mühafizə orqanlarındakı mənbə bildirib.

SİTA agentliyi isə özəl mənbələrə istinadən bildirir ki, ev mühasirəyə alınmazdan əvvəl oradan iki qadın çıxıb. İçəridə qalanların sayı isə dəqiq məlum deyil.

Ömər Dağlı