• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Kiyev ABŞ silah şirkəti ilə ilk müqaviləni imzaladı

  • Dünya
  • 13 Dekabr 2014 02:15
  • 489 Baxış
Kiyev ABŞ silah şirkəti ilə ilk müqaviləni imzaladı

Ukraynanın dövlət təsərrüfat hesablı xarici ticarət və investisiya şirkəti “Ukrinmaş” ABŞ-ın “Barrett Firearms” silah şirkəti ilə müqaviləni bağlayıb.

Publika.az-ın “unian.net” saytına istinadən verdiyi məlumata görə, bu barədə "Ukroboronprom" konserninin (tərkibinə "Ukrinmaş" şirkəti də daxildir) mətbuat xidməti bildirib.

Xəbərə görə, Amerika şirkətinin istehsalı olan silahlar ən qısa müddətə Ukrayna Təhlükəsizlik Xidməti və Milli Qvardiyaya çatdırılacaq. Silahların həcmi və müqavilənin icrası müddəti açıqlanmayıb.

“Barrett Firearms” şirkəti odlu silah, optik cihazlar və hərbi təchizatın istehsalı üzrə Amerika şirkətidir. İxtisaslaşma böyuk kalibrli snayper tüfəngləridir", - deyə “Ukroboronprom”un xəbərində deyilir.

Qeyd edək ki, 11 dekabrda ABŞ Senatı Ukrayna ilə bağlı qanun layihəsini dəstəkləyib. Qanun layihəsi Ukraynaya maliyyə yardımının göstərilməsi, müasir silahların çatdırılması və Ukraynaya NATO hərbi blokundan kənar ABŞ-ın xüsusi hərbi partnyoru status verilməsini nəzərdə tutur.

Ömər Dağlı

Xəbər lenti

DAHA ÇOX XƏBƏR