Dünya
Soydaşlarımız "əl-Qaidə"nin əlində: Türkiyədə TIR əməliyyatının detalları
“Paralel dövlət” deyilən Türkiyədəki polis güclərinin yanvarın
1-də Hatayda, yanvarın 19-da isə Adana- Ceyhanda həyata keçirdiyi
TIR basqınlarının məqsədi barədə ilginc məlumatlar yayılıb. İli
araşdıran Adana prokurorluğu bunu “qarşı casusluq” fəaliyyəti
olaraq qeyd edib. Prokurorluqda aparılan istintaqda TIR-larda MİT
kəşfiyyatçılarının olduğu barədə deyilənlərə yer olmadığına qərar
verilib. Qərarın detallarında TIR basqınlarının məqsədləri ilə
bağlı önəmli məlumatlar yer alıb.
Publika.Az türk mediasına istinadən xəbər verir
ki, Kırıkhan və Ceyhanda MİT-ə aid TIR-lara qarşı edilən basqınlar
MİT-i xarici kəşfiyyat xidmətləri qarşısında çarəsiz və müdafiəsiz
qoymaq məqsədini daşıyan əməliyyatlar olaraq göstərilir.
Türkiyənin terrorla mübarizə qanununun 10-cu maddəsi ilə Adana
prokuroru Ali Doğanın apardığı istintaqın qərarı fevralın 10-u
2014-cü il tarixində çıxdı. 2014/24 saylı qərarın nəticə bölümündə
TIR-lara yoldaşlıq edən MİT kəşfiyyatçılarına qarşı əməliyyatın
yanlış olduğu göstərildi.
Qərarın ən vacib bölümü isə “İnformasiyanın qurulması və məqsədə
uyğun qiymətləndirmə” adlı nəticə bölümüdür. Bu bölümdə TIR
basqınlarının məqsədi açılır və bunun casusluq olduğu qeyd edilir.
Bu dəyərləndirmədə TIR əməliyyatlarını təşkil edən və həyata
keçirən şəxslərin casusluqdan məsuliyyətə cəlb edilməsi nəticəsini
də çıxartmaq olar.
Ceyhana qədər niyə göz yumuldu?
Qərarın bu bölümündə yanvarın 19-da baş verən hadisənin Ankara
tərəfindən əvvəlcədən xəbər verilməsinə baxmayaraq TIR-ların
Ceyhana qədər niyə dayandırılmadığı açıq sual yaratdığı qeyd
edilir. Basqına siqnal kəsici cihazlarla gedildiyi halda olayın
mediada görüntü və yazılı şəkildə yayımlanması da maraqlıdır.
Bu bölümdə ən vacib cümlələrsə budur: “Ümumi olaraq Türkiyə
Milli İstihbarat Təşkilatı ilə bağlı xəbərləri yaymaqla təsirsiz
hala gətirilməsi, fəaliyyətləri və üzvləri deşifrə edilməsi, bu
günə qədər Türkiyə sərhədlərində hər-hansı şəkildə fəaliyyət
göstərən casusluq təşkilatlarının heç bir fəaliyyətinin bu formada
ortaya çıxarılmaması da araşdırılması lazım olan məsələdir.
Buradakı xəbərləri yaymaqla MİT-i istintaqla əlaqələndirmək,
təşkilatın bütün fəaliyyətlərini, üzvlərini deşifrə etməklə Türkiyə
kəşfiyyat təşkilatının xarici kəşfiyyat xidmətləri qarşısında
çarəsiz və müdafiəsiz buraxmaq məqsədi daşıdığı kimi
dəyərləndirilməlidir”.
Türkmən kəndlərinin "Əl-Qaidə"nin əlinə keçməsinə şərait
yaradılıb?
Qərarda qanunlara və fəaliyyət mexanizmlərinə uyğun olaraq gizli
fəaliyyət göstərən MİT-in bu cür əməliyyatlarla "əl-Qaidə" terror
təşkilatı ilə bağlamağa cəhd edilməsi Türkiyəyə qarşı bir
embarqonun tətbiq edilməsinə səbəb ola biləcək təmələn atılması
kimi qeyd edilir. Qeyd edilir ki, TIR əməliyyatına görə, Hələb
türkmənlərinə insani yardım göndərmək mümkün olmayıb: “Əl-Qaidə
terror təşkilatı və onun qolu İŞİD terror təşkilatının bu günə
qədər Suriyadakı Əsəd qüvvələri ilə müharibəyə girməməsi, ən son
TIR hadisəsinin yanvarın 19-u 2014-cü il tarixində həyata
keçirilməsindən etibarən 10 gün davam edən atışmalardan sonra heç
bir insani və qida yarımı çatdırılmayan Hələbin türkmən Çobanbəy
qəsəbəsinin tamamilə İŞİD təşkilatının əlinə keçməsi və
türkmənlərin də Türkiyəyə sığınması sözügedən əməliyyatın hansı
məqsədinin olduğunu ortaya çıxarır”.
Qərarda yanvarın 19-da baş verən olay belə qeyd edilir: “TIR-ların Adana Ceyhan girişlərində dayandırıldığı, burada MİT avtomobillərinə uzun lüləli silahların doğrulduğu, MİT əməkdaşlarının vəzifə başında olduqlarını deməsinə baxmayaraq qollarına qandal taxıldığı, TIR-larıda tapılan konteynerlərin açıldığı, kamera və fotolarla hər şeyin çəkildiyi, hadisə yerinə vəzifəli prokurorun gəldiyi, müxtəlif araşdırmalardan sonra avtomobillərin MİT-in Adana bölməsinin rəisinə təslim edilməsi başa düşülmüşdür”.
Qərarda MİT personalının vəzifə borcları xatırladılır və MİT-in
fəaliyyət üsullarının gizlilik prinsipi daşıdığı diqqətə
alındığında təşkilatın fəaliyyətinin aşığa çıxarılmasının cinayət
məsuliyyəti olduğu deyilir.
Yardım gecikdi, türkmənlər öldü
Paralel dövlətin TIR əməliyyatı 9 türkmən kəndinin boşaldılması və
minlərlə mülki şəxsin Türkiyə sərhədinə köçməsinə səbəb oldu.
Suriya Demokratik Türkmən Hərəkatının qurucusu və sədr müavini
Tarık Sulo Cevizci yardım gətirən TIR-lara qarşı əməliyyat
keçirildiyi üçün qida və humanitar yarımın bir həftə gec
gətirildiyini, buna görə də bir çox türkmənin öldüyünü
bildirib.
Suriyada daxili müharibənin başlanmasından bu yana Türkiyədən gələn yardımlarla zülmə qatlandıqlarını deyən Cevizci TIR əməliyyatının onlarda bədbinlik yaratdığını bildirib. Suriyalı türkmənləri yardım TIR-larına qarşı təşkil edilən əməliyyatlarda qida və dərman yardımının bölgəyə bir həftə gec çatdığına görə kəndləri boşaltmaq məcburiyyətində qalıblar. Xüsusilə türkmənlərin çətin şəraitdə yaşadığı Çobanbəy mahalında 9 türkmən kəndi və 12 yaşayış məntəqəsi boşaldılıb.
Cevizci Çobanbəydə Əl-Qaidəyə bağlı olan İŞİD terror təşkilatı
ilə atışmalarda məğlub olmalarının ən böyük səbəbinin TIR-ların
vaxtında gəlməməsi olduğunu deyib.“TIR-lar vaxtında çatsaydı savaşı
qazana bilərdik”-deyə o bildirib.
Asif Nərimanlı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT
-
Dünya10:56
NATO Rusiya ilə müharibəyə hazırlaşır - Bu ölkədən hücuma keçəcəklər
-
Nida Xəbər 10:30
Bu gün ilk Qədr gecəsidir