• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

İŞİD-ə ağır zərbə: 70 silahlı öldürüldü

  • Dünya
  • 16 Dekabr 2014 02:14
  • 381 Baxış
İŞİD-ə ağır zərbə: 70 silahlı öldürüldü

İraqda “İslam Dövləti” (İŞİD) terror təşkilatına qarşı aparılan son hərbi əməliyyatlarda ciddi uğur əldə olunub.

Publika.az-ın xarici mətbuata istinadən verdiyi məlumata görə, son 24 saatda İraqın müxtəlif bölgələrində İŞİD-in 70 üzvü öldürülüb.

İraq Müdafiə Nazirliyinin yaydığı yazılı açıqlamada qeyd olunur ki, Anbar vilayətində davam edən qarşıdurmalarda terror qruplaşmasının 26 üzvü öldürülüb. Fəllucə mahalında isə ABŞ istehsalı “Abrams” tanklarından açılan atəşlə 19 terrorçunun öldürüldüyü bildirilir.

ABŞ-ın liderlik etdiyi koalisiya gücləri dünən gecə Kərkükün cənub qərbindəki İŞİD-in mövqelərini vurub. Aviazərbələr nəticəsində 35 İŞİD üzvü ölüb, 45-i isə yaralanıb.

İŞİD Anbar vilayətinin bəzi bölgələrində İraq ordusu ilə qarşıdurmaların fotoşəkillərini yayıb. Şəkillərdə çoxlu sayda İraq əsgərinin öldürüldüyü, böyük miqdarda silah və hərbi texnikanın ələ keçirildiyi görünür.

Ömər Dağlı

Xəbər lenti

DAHA ÇOX XƏBƏR