• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Nobel namizədinin kitabı Azərbaycanda

  • Dünya
  • 9 Mart 2012 16:06
  • 179 Baxış
Nobel namizədinin kitabı Azərbaycanda

Çağdaş Şimali Kipr türk ədəbiyyatının məşhur şairi Osman Türkayın şeirləri Azərbaycan türkçəsinə uyğunlaşdırılaraq nəşr olunub.


Bu barədə Publika.Az-a Milli Elmlər Akademiyası (AMEA) Ziya Bünyadov adına Şərqşünaslıq İnstitutunun mətbuat xidmətindən məlumat verilib.

İki dəfə Nobel mükafatına namizəd göstərilən, «Kosmos əsri şairi» epitetli Osman Türkay (1927-2001) türk və ingilis dillərində bir çox kitabların, tənqidi məqalələrin müəllifidir.

Şeirləri 30-dan çox dilə, o cümlədən rus, yapon, ərəb, özbək, çin, Hind, isveç, italyan, tatar və s. dillərə tərcümə olunan Osman Türkaydan indiyədək Azərbaycan oxucularının xəbərsiz qalması təəssüf doğururdu.

Bu boşluğu aradan qaldırmaq məqsədi ilə Osman Türkay yaradıcılığını 2001-ci ildən bəri tədqiq edən və “Osman Türkayın poetik irsi” adlı kitabın müəllifi olan Elmira Fikrətqızı indi oxuculara şairin şeirlərinin Azərbaycan dilinə uyğunlaşdırılmasını təqdim edir.

Kitabda öncə Elmira Məmmədovanın ön sözü və kitabın redaktoru, Şimali Kipr Türk Cümhuriyyətindəki Lefke Avropa Universitetinin doktoru Nazim Muradovun təqdim yazısı verilir. Kitabda Osman Türkayın «Dünyamızın portreti - 1990» poeması, “Ömrümün dağlarında”, “Asiyanın sızlayan ruhu”, “Ayla dərdləşmə”, “Ay üçün rekviyem” və digər şeirləri oxuculara çatdırılır.

Rüfət Əhmədzadə

Publika.Az

Xəbər lenti

DAHA ÇOX XƏBƏR