İsveç islamafobiyaya qarşı milli strategiya hazırlayır

İsveç hökuməti müsəlman mədəni təşkilatlarının və icmalarının iştirakı ilə islamafobiyaya qarşı mübarizə üçün milli strategiya işləyib hazırlamaq niyyətindədir.

Axar.az RİA Novosti-yə istinadla bildirir ki, bu fikri İsveçin Mədəniyyət naziri Alis Ba Kunke Stolholmda müsəlman icma və məscidlərinin dəstəklənməsi məqsədilə keçirilən nümayişdə səsləndirib.

“Mən müsəlman vətəndaş cəmiyyətinin nümayəndələri ilə birgə islamafobiyaya qarşı milli strategiya işləyib hazırlamaq niyyətindəyəm”, -deyə Ba Kunke bildirib.

Nazir qeyd edib ki, müsəlman icmalarının nümayəndələri ilə fevralın əvvəlində görüşəcək. Onun sözlərinə görə, strategiyada mütləq "islam nədir və müsəlmanlar kimlərdir" suallarının açılmasına və aydınlaşdırılmasına xüsusi diqqət yetiriləcək.

Qeyd edək ki, İsveçdəki məscidlərin dəstəklənməsi nümayişi dünən Stokholmda, Upsalda, Geteborq və Malmada keçirilib. İsveç KİV-in məlumatına görə, nümayişlərin təşkilatçıları 50-yə yaxın müxtəlif mədəni birliklərdir. Stokholmdakı nümayişdə yüzlərlə insan iştirak edib.