Sərnişinlərdən 34-nün cəsədi tapıldı

İndoneziyanın xilasetmək komandaları bir həftə əvvəl yoxa çıxmış AirAsia hava yollarına məxsus təyyarənin qalıqlarının axtarışını davam edirir.

Publika.az xəbər verir ki, ötən gün daha 4 cəsəd Java dənizindən çıxarılıb. Bununla da dənizdən çıxarılan cəsədlərin sayı 34-ə çatıb.

Rəsmilərin ddiklərinə görə, pis hava şəraiti təyyarənin 162 sərnişinin cəsədinin axtarışı əməliyyatlarına mane olur. Qaranlıq, qarışıq sular dalğıcların təyyarənin qalıqlarının əsas hissəsinin cəmləşdiyi yerə çatmasını çətinləşdirib.

AirAsia hava yollarına məxsus təyyarə İndoneziyadan Sinqapura qasırğa şəraitində uçuşu icra edərkən təxminən yarı yolda qəzaya uğrayıb.

İndoneziyanın hava bürosunun yeni məlumatına əsasən, təyyarənin Yava dənizinə düşməsinin əsas səbəbi pis hava şəraiti ilə izah edilib. Agentliyin veb səhifəsində yerləşdirilmiş məlumatda son on ildə qasırğalar şəraitində uçuşlar zamanı təyyarələrin mühərrikin sıradan çıxması və güclü hava burulğanı kimi problemlərlər qarşılaşdığı haqda məlumatlar yerləşdirilib.