Dünya

Türkiyə baş naziri 6 il sonra Davosda – FOTOLAR

5 Yanvar 2015 17:24

Yanvarın 22-24-də İsveçrənin Davos şəhərində Dünya İqtisadi Forumu keçiriləcək.

Publika.az-ın xarici mətbuata istinadən verdiyi məlumata görə, Türkiyə 6 ildən sonra Davos forumunda iştirak etməyə razılıq verib.

Builki forumda Türkiyəni yeni baş nazir Əhməd Davudoğlunun rəhbərlik edəcəyi nümayəndə heyəti təmsil edəcək.

İqtisadi forum çərçivəsində Türkiyə baş nazirinin Rusiya, Azərbaycan və digər ölkələrin nümayəndə heyətləri ilə də görüşü gözlənilir.

Xatırladaq ki, Türkiyənin baş naziri Rəcəb Tayyib Ərdoğan 2009-cu ildə sözügedən beynəlxalq tədbirdə iştirak etməkdən imtina edib. Buna səbəb isə 2009-cu ildə həmin forumda çıxışı zamanı onunla İsrail prezidenti Şimon Peres arasında yaranmış məşhur "one minute" qalmaqalı olub. Həmin ildən bəri 6 ildir ki, Türkiyə Davos forumuna qatılmır.

Vasif Həsənli