Dünya

İtaliya prezidenti istefa verdi

14 Yanvar 2015 13:35

İtaliya prezidenti Corcio Napolitano bu gün istefası haqqında aktı imzalayıb.

Publika.az-ın RİA xəbər agentliyinə istinadən verdiyi məlumata görə, prezident dəftərxanasının baş katibi Donato Marra aktı parlamentin hər iki palatası və Nazirlər Kabinetinə şəxsən çatdıracaq.

Yeni prezident seçkilərinə qədər onun səlahiyyətlərini Senat sədri Petro Qrasso icra edəcək. Konstitusiyaya əsasən, İtaliyada yeni prezident seçkiləri ölkənin bütün vilayətlərinin nümayəndələrinin iştirakı ilə 15 gün ərzində təyin ediləcək.

Qeyd edək ki, Napolitano ölkə tarixində ikinci müddətə seçilən ilk prezidentdir. 2013-cü ilin aprelində bu posta təkrar seçilən 89 yaşlı prezident kürsünü vaxtından əvvəl tərk edəcəyini açıqlamışdı.

Ömər Dağlı