• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

22 yaşlı xərçəng xəstəsi: “Sadəcə, yaşamaq istəyirəm”

  • Dünya
  • 15 Yanvar 2015 14:58
  • 378 Baxış
22 yaşlı xərçəng xəstəsi: “Sadəcə, yaşamaq istəyirəm”

“Sevgili Xərçəngim”adlı bloqun sahibi Emma Betts hələ 22 yaşındadır, çiynindəki xal üçün həkimə gedib və xərçəng xəstəsi olduğunu öyrənib. Ötən ilin yanvarında həkimlər ona “yaşamaq üçün üç ayın var” deyib.

Publika.az həkimlərin üç ay ömür müəyyən etdiyi qızın həyat hekayəsini təqdim edir.

Bu xəbəri eşidəndən sonra sevgilisi ona evlənmə təklif edib və nişanlanıblar. Həkimlər mart ayına qədər yaşayacağını demişdilər, hətta ona belə əmin deyildilər. Ona görə də mart ayına qədər evləndilər. Amma həkimlərin dediyinin əksinə, Bettsin ömrünə 9 ay daha əlavə olundu. Hələ də həyatda olan Betts sevdiyi şəxslə çox xoşbəxtdir. Yaşadıqları hər günü böyük bir nemət olaraq dəyərləndirirlər.

Betts xəstəliyə tutulandan sonra “Sevgili Xərçəngim” adlı bloq yaradıb. Bu bloqda xəstəlik diaqnozu qoyulandan sonra keçirdiyi hisslər, yaşadıqları barədə yazır.

Sonuncu dəfə bloqunda “karyeraya ehtiyacım yoxdur və uşaq sahibi olmaq məcburiyyətində deyiləm. Sadəcə, yaşamaq istəyirəm” sözlərini yazıb.

Melonama səbəb olan geni daşıyan Betts bundan sonra tək məqsədinin həyatı gözəlləşdirmək üçün nələrsə tapmaq olduğunu yazıb.

“Nə etsəm də, melonoma olacaqdım, çünki bu, mənim genimdədir. Ancaq gənclər tez-tez müayinə olunub, xallarındakı dəyişikliyə diqqət etməlidirlər”, – deyə Betts bildirib.

Haızrda Avstraliyada yaşayan gənc qadın bundan sonra nə qədər yaşayacağını bilmir.

Gülxar

Xəbər lenti

DAHA ÇOX XƏBƏR