Dünya
Amerika hazırlaşdı, Rusiya kəşfiyyat gəmisi göndərdi
Rusiya son vaxtlar ABŞ və Kuba arasındakı yaxınlaşmadan narahatdır.
Publika.az xarici mediaya istinadən xəbər verir ki, ABŞ və Kuba arasındakı əlaqələrin normallaşdırılması çərçivəsində ABŞ nümayəndə heyətinin Kubaya səfəri öncəsi Rusiyanın kəşfiyyat gəmisi Havana limanına yan alıb.
Göyərtəsində antenalar və peyk cihazları olan gəminin səfərinin məqsədi barədə rəsmi məlumat verilmir. Amma gəminin Kuba sahillərinə yan aldığı tarix diqqət çəkir. Kuba ilə ABŞ arasındakı münasibətlərdə 1961-ci ildən hökm sürən soyuqluqdan sonra ABŞ nümayəndə heyəti bu gün Havanada kubalı səlahiyyətlilərlə görüşəcək.
Qeyd edək ki, ABŞ ötən ay münasibətlərdə normallaşma prosesinə başlamaq qərarına gəlib. ABŞ prezidenti Barak Obama 2014-cü il dekabrın 18-də Kuba ilə əlaqədar tarixi bir addım atıb. B.Obama Kuba xalqına səslənərək "Amerika dostluq əlini uzadır" deyib. ABŞ prezidenti ölkəsinin Kubaya qarşı tətbiq etdiyi sanksiyaları “gərəksiz məhdudiyyətlər” adlandırıb.
Kuba elə həmin gün iki ölkə arasında münasibətlərin normallaşmasına kömək edəcək cavab addımı atıb. Kuba hakimiyyəti ABŞ vətəndaşı Alan Qrossu beşillik həbsdən sonra azad edib. ABŞ vətəndaşı Kubada 2009-cu ildə həbs olunmuş, Kubanın müstəqilliyi və ərazi bütövlüyünə qarşı hərəkətlərdə ittiham olunaraq 2011-ci ildə 15 il azadlıqdan məhrum edilmişdi.
Kuba həmçinin iki ölkə arasında ötən ay əldə olunan tarixi razılaşmaya uyğun olaraq ölkədəki 53 amerikalı məhbusu sərbəst buraxıb.
Ömər Dağlı
-
Region09:20
Tavuşda etiraz başladı: Ermənilər İrəvan-Tbilisi yolunu bağladılar
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır