Netanyahunun dəvəti Amerikada ortalığı qarışdırdı
Bizi izləyin
Kanon

Dünya

Netanyahunun dəvəti Amerikada ortalığı qarışdırdı

ABŞ Konqresinin alt qanadı olan Nümayəndələr Palatasının başçısı Con Boxnerin İsrailin baş naziri Benyamin Netanyahunu “İran təhdidi” mövzusunda çıxış etməsi üçün Konqresə dəvət etməsi Ağ Evi qəzəbləndirib.

Publika.az xarici mediaya istinadən xəbər verir ki, Ağ Ev dəvətin protokolu heçə saymaq anlamına gəldiyini açıqlayıb.

Ağ Evin sözçüsü Coş Ernest gündəlik mətbuat konfransında dəvəti “bu, protokolu heçə saymaqdır. Liderləri yalnız liderlər dəvət edər” deyərək Boxberə cavab verib. O, Ağ Evin Benyamin Netanyahunun mümkün ABŞ səfəri üçün israilli səlahiyyətlilərlə hələ görüşmədiyini də əlavə edib.

ABŞ dövlət katibi Con Kerri isə İsrail baş nazirinin ABŞ-da çıxışının hər zaman məmnuniyyətlə qarşılanacağını, amma hazırkı vəziyyətin “bir az qeyri-adi” olduğunu vurğulayıb.

Con Boxner isə buna Konqresin özünün qərar verə biləcəyini deyib.

Ömər Dağlı

Oxumağa davam et
Reklam
Reklam

Gündəm

Kanon