Dünya

Terrorçunun meyiti ortalıqda qalıb

23 Yanvar 2015 06:04

Mali rəsmiləri Paris yaxınlığında 5 nəfəri qətlə yetirən Amedi Kulibalinin nəşinin ölkəyə gətirilərək dəfn olunmasına icazə verməyib.

Publika.az-ın məlumatına görə, Mali hökuməti Amedinin nəşindən imina etdiyindən terrorçunun meyiti yenidən “morq”a qaytarılıb.

Qeyd edək ki, Fransa qanunlarına görə, terrorçunun yaxınları onun xüsusi məzarlıqda dəfn olunması üçün yaşadığı meriyaya müraciət etməli idi. Terrorçunun Esson departamentinin Qrini şəhərində yaşayan anası və bacısı nəşin basdırılması üçün meriyaya müraciət etmədiklərindən Amedinin meyiti vətəni Maliyə yola salınmalı idi. Lakin son anda Mali rəsmiləri naməlum səbəbdən bunu rədd ediblər.