Yaponiya İŞİD-in tələbini qəbul etdi

Yaponya “İslam Dövləti” (İŞİD) terror qruplaşmasının tələbini qəbul edib.

Publika.az xarici mediaya istinadən xəbər verir ki, Yaponiyanın İordaniyadakı səfiri İŞİD terror qruplaşmasının girov götürdüyü Yaponiya vətəndaşının azad olunması əvəzində terrorçu qadın Sajida əl-Rişavinin sərbəst buraxılacağını açıqlayıb.

Xatırladaq ki, İŞİD girov götürdüyü iki Yaponiya vətəndaşının sərbəst buraxılması üçün 200 milyon dollar istəyib. Lakin istədiyini ala bilməyən İŞİD bir neçə gün əvvəl onlardan birini - Yukavanı edam edib. Terror qruplaşması dünən digər girov Kenji Qoto üçün İordaniyada həbsdə olan iraqlı terrorçu qadın Sajida əl-Rişavinin azad olunmasını tələb etmiş və bunun üçün 24 saat vaxt vermişdi.

Həmin qadın 2005-ci il noyabr ayında İordaniyanın paytaxtı Ammanda üzərində yerləşdirdiyi partlayıçı qurğunu partlatmaq istəyərkən yaxalanıb. O, “Radisson SAS“ hotelində keçirilən toy məclisində əri ilə birlikdə partlayış törətməyi planlaşdırıb.

Sajidanın “Əl-Qaidə”nin İraq qolunun rəhbər şəxslərindən birinin bacısı olduğu deyilir.

Ömər Dağlı