• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

İordaniyadan İŞİD-ə “Biz də Sajidanı asarıq” mesajı

  • Dünya
  • 31 Yanvar 2015 14:15
  • 659 Baxış
İordaniyadan İŞİD-ə “Biz də Sajidanı asarıq” mesajı

İordaniya hakimiyyəti yapon jurnalist və iordaniyalı pilotun azad edilməsi qarşılığında İŞİD terror qruplaşmasının tələb etdiyi iraqlı terrorçu qadın Sajida əl-Rişavi ilə bağlı açıqlama verib.

Publika.az “Daily Mail” qəzetinə istinadən xəbər verir ki, İordaniya İŞİD-ə “Biz də Sajidanı asarıq” mesajı göndərib.

Qeyd edək ki, İŞİD internet vasitəsilə yaydığı videoda terrorçu qadının azad edilməyəcəyi halda iordaniyalı pilot Muat Safi əl-Kasiyeşbi və yapon jurnalist Kenji Qotonu öldürəcəklərini açıqlayıb. Tərəflər arasında adıçəkilən şəxslərin mübadiləsi ilə bağlı razılıq əldə olunsa da, iki gün əvvəl Suriya-Türkiyə sərhədində nəzərdə tutulan mübadilə baş tutmayıb. Belə ki, İordaniya hakimiyyəti İŞİD terror qruplaşmasının tələbini yerinə yetirməkdən son anda imtina edib. İordaniya ötən il İŞİD-ə girov düşən pilotunun sağ olduğuna əmin olmadığı üçün belə bir addım atdığını bildirib. Ölkə səlahiyyətlilər İŞİD-dən pilotun həyatda olduğuna dair dəlil gözlədiklərini söyləyib.

İngiltərənin “Daily Mail” qəzetinə danışan iordaniyalı səlahiyyətlilər İŞİD-ə “Pilotu öldürsəniz, Sajida və digər cihadçı məhkumları edam edərik” mesajı göndərib.

Həmin qadın 2005-ci il noyabr ayında İordaniyanın paytaxtı Ammanda üzərində yerləşdirdiyi partlayıcı qurğunu partlatmaq istəyərkən yaxalanıb. O, “Radisson SAS“ hotelində keçirilən toy məçlisində əri ilə birlikdə partlayış törətməliydi.

Ömər Dağlı

Xəbər lenti

DAHA ÇOX XƏBƏR