Dünya
Abdulla Gül dilemma qarşısında: Demokratik şöhrət, yoxsa siyasi arzular
Amerikanın “The Economist” jurnalı Türkiyə parlamentində qəbul olunan və hökumətin internetə nəzarətini artıracaq qanunla bağlı yazı dərc edib. Publika.Az –ın verdiyi xəbərə görə, jurnal prezident Abdulla Gülün hazırda çətin bir vəziyyətlə üzləşdiyini qeyd edir.
Ədalət və İnkişaf Partiyasının 550 yerdən 319-na sahib olduğu
Türkiyə Böyük Millət Məclisində qanun asanlıqla təsdiq edilib.
Qanun hökumətə məhkəmə hökmü olmadan veb səhifələri bağlamaq
səlahiyyəti verir. Müxalifət liderləri və mətbuat azadlığı
müdafiəçiləri bu qanunu Türkiyədə ifadə azadlığının boğulması
sahəsində növbəti addım adlandırır.
Avropa İttifaqı və Avropa Şurası da qanunun qüvvəyə minməsinə yol
verilməməsini istəyir. Qüvvəyə minməsi üçün sənəd prezident Abdulla
Gül tərəfindən imzalanmalıdır. Türkiyənin müxalifət partiyaları da
prezident Abdulla Gülü internet məhdudiyyətlərinə dair qanuna veto
qoymağa çağırır.
Prezident Gül qanuna veto qoysa belə, onun parlamentdə ikinci
dəfə təsdiqindən sonra qəbul etməyə məcbur olacaq. Lakin
təhlilçilər vetonun Ərdoğanın siyasi nüfuzuna zərbə olacağını
deyirlər. Bildirilir ki, bu baş nazir və prezidentin iştirakının
istisna edilmədiyi prezident seçkilərinə də təsirini göstərəcək.
Türkiyənin “Milliyet” qəzetinin köşə yazarı Kadri Gürsel deyir ki,
prezident çox siyasi bir balanslaşdırma taktikasından istifadə
edir."Cənab Gül özünü mühafizəkar İslam hərəkatı çərçivəsində
Ərdoğana alternativ kimi təqdim edir. O, bunu Ərdoğan hökumətinə
meydan oxuyaraq etmir. Prezident hökumətin qanun layihələrini
asanlıqla imzalayır və hökumətin qüdrətinin məhdudlaşdırılması
sahəsində heç bir addım atmır", - o, bildirib.
“The Economist” jurnalı sözügedən məsələ ilə bağlı yazısı
“İmzalayacaqmı? İmzalamayacaqmı? Bütün gözlər iqtidardakı Ədalət və
İnkişaf Partiyasının qurucularından olan baş nazir Rəcəb Təyyib
Ərdoğanla prezident Abdullah Güldədir” sözləri ilə başlayıb. Jurnal
“Tvitter”in aktiv istifadəçisi olan A.Gülə qanunun imzalanması üçün
təzyiq edildiyini bildirir:
“AKP-li bəzi millət vəkilləri qanunu tənqid edənlərin “porno lobbisi” adından çıxış etdiyini söyləyib. Qanunun məqsədi böyük ehtimalla AKP-li məmurların rüşvət, tender saxtakarlığı və digər qanunsuzluqlarla bağlı gizli görüntülərinə prokurorların internet vasitəsilə çatmasına maneə olmaqdır”.
“Demokratik şöhrəti və siyasi arzuları arasında tarazlıq yaratmağa çalışan Gül isə çətin vəziyyətdədir. O, Gəzi Parkında etirazların pik nöqtəsində olduğu bir vaxtda bir neçə dəfə demokratiyanın yalnız seçki qutusundan ibarət olmadığını xatırlatmışdı. Abdulla Gül internet qanununa veto qoysa, Ərdoğan bunu prezidentin Pensilvaniya ştatında yaşayan nüfuzlu din adamı Fəthullah Gülən ilə eyni cərgədə dayandığına bir “dəlil” olaraq göstərə bilər. Gül qanunu imzalayarsa, qlobal mövqeyinə də zərər verəcək”, - “The Economist” bildirir.
Ömər Dağlı
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO
-
Region09:06
I Aram Ərdoğana cavab verdi: Unutmayın ki...
-
Nəqliyyat08:32
Bu yollarda tıxac var - SİYAHI
-
MDB08:17
Generalın və ailəsinin əmlaklarının üzərinə həbs qoyuldu
-
ABŞ08:05
Rusiya nüvə başlığı daşıya bilən peyk hazırlayır - ABŞ
-
Nida Xəbər 07:50
Peter Siyartonun Azərbaycana rəsmi səfəri başladı
-
Sağlamlıq07:10
Yabanı halda bitən bu bitki xərçəng hüceyrələrini 48 saatda məhv edir!
-
İdman06:40
Bellinqem bu gözəllə münasibətə başladı - FOTOLAR